السيسي للمصريين: البلد هتنجح بتحملكم وصبركم وبنقول يا رب كمل كرمك علينا
قال الرئيس عبد الفتاح السيسي: "إحنا مش قليلين بالله المطلع علينا وعلى مسارنا وربنا يعيننا على كل شيء، وكمان إحنا مش قليلين بيكم يا مصريين".
وأضاف "السيسي" خلال مؤتمر "حكاية وطن": "اللي بنا بلدنا ربنا، وأنا ليا عظيم الشرف إني أقول اللي ساعدني ربنا".
ولفت: "كان يهمني إن الصورة المهتزة عن الدولة المصرية تنتهي، الصورة اللي اتشكلت عن مصر في أذهان العالم في 2011 و2012 و2013 و2014 تنتهي ويبقى فيه صورة أخرى لدولة قوية قادرة مختلفة وده اللي الشعب عاشوا في التسع سنين اللي فاتوا، إيد تقاتل وتظبط وتسيطر وتمنع بفضل الله وبكل ما أوتينا من قدرة على إننا منتجاوزش ولا نظلم والله شاهد، وإيد تانية بنفس القدرة والقوة تشتغل وتبني وتعمر علشان نغير الواقع القاسي المظلم اللي كان موجودين فيه، نغيره وتبقى بلد تليق بيكم وبأبنائكم وأحفادكم ومحدش هيقدر يعملها غيركم أنتم، صدقوني أنا عارفين هتنجح إزاي؟ هتنجح بالله وبتحملكم وصبركم".
وأكمل:"طيب انتوا مش مستغربين إن كل الدول اللي كان فيها إرهاب المقاومة والمكافحة منجحتش ونجحتوا انتوا يا مصريين، مش قادرين إن إيد المعونة بتاعت ربنا كانت معانا، ليا الشرف إن ربنا ساعدني وأكرمنا وبنقوله يارب كمل كرمك علينا".
نقدم لكم من خلال موقع (فيتو) ، تغطية ورصد مستمر علي مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
