سهام جلال: أبويا اتجوز 5 مرات وعقدني في الجواز.. ومخطفتش طليق إلهام شاهين | فيديو
قالت الفنانة سهام جلال: "آخر همي الجواز، وجايلي عروض كتير للارتباط بس أنا برفض لأن الموضوع مسئولية، ومكنش حلمي أني أتجوز وأخلِّف".
زيجات والد سهام جلال
وأضاف خلال لقائها ببرنامج “كلام الناس” المذاع على قناة “إم بي سي مصر”: "بابا اتجوز 5 مرات، ووالدتي أول واحدة وأنا أول طفلة له، وزيجاته الكتير سببتلي عقدة من الجواز، ورفضت الواقع بتاعه وتمردت على أبويا وهو كان تاجر خردة وصعيدي مقفول، ولما تمردت عليه أخدت أمي وإخواتي وبعدت عنه".
شائعة طليق الهام شاهين
وتابعت: "حظي قليل في الرجالة، وطلع عليا اشاعة تضحك لما اتقال أنى تجوزت من رجل أعمال طليق الفنانة الهام شاهين، والحقيقة أننا كنا بنتعشى أنا ونجوم كتير وهو كان جنبي بالصدفة وأنا معرفهوش ولما رجعت لقيت الإشاعة والصورة نازلة لنا، ووقتها كنت اشتريت عربية وخطيبي شارك بفلوسه معايا واتقال أن رجل الأعمال اللى جايبهالي وده مش صح".
شرط زواج سهام جلال
وأردفت: "لا يمكن اتجوز واحد اصغر مني بـ5 سنين أو اكتر، لكن ممكن اتجوزه اصغر مني بـ 3 سنين، وأهم حاجة يكون راجل مسئول، وانا عايزة وأحب اتدلع وليه اخد راجل أصغر مني ويتمنظر عليا، ومعنديش مشكلة اتجوز رجل اعمال ويعملي مسلسل لإني الاجتهاد موقفني مكاني".
وقالت الفنانة سهام جلال، في نفس اللقاء:"صعيدي في الجامعة الأمريكية عطلني كتير، وانا كنت موديل ومبفكرش في التمثيل اصلا".
كارثة سهام جلال
وتابعت: "لما نزل فيلم “صعيدي في الجامعة الأمريكية” الدور علشان كان فيه اغراء كان كارثة بالنسبة لي وعندنا مصيبة في المنتجين والمخرجين انهم بيحطوا الفنان في قالب لما ينجح في لون معين".
قبلة أحمد السقا
وأضافت: "مشهد البوسة في صعيدي بالجامعة الأمريكية اعدتها 20 مرة بسبب الخوف، وكل لما أقرب أعمل استوب لحد لما المخرج زعقلي، لأن احمد صديقي وصاحب خطيبي وده اللى كان مخليني واقفة قدامي خايفة، وانا اعترضت علي البوسة لأنها هتفشكل الجوازة وكانت المفترض بوسة علي الرقبة، وعملت البوسة وبعدها عملتلي مشاكل".
رد فعل خطيب سهام جلال
ولفتت: "البوسة مع السقا كانت مصيبة ومكنتش عارفة أقول لخطيبي ايه، ومكنتش عارفة أفكر، وخطيبي لما شاف بوستي مع أحمد السقا مشى من السينما ولكنى صالحته بعد شهرين لأننا كنا بنحب بعض".
أدوار الإغراء
ولفتت: "اتعرض عليا ادوار اغراء كتير بعد صعيدي في الجامعة الأمريكية، وأجرى في الفيلم كان 1000 جنيه وهو رقم ضعيف جدا".
