منار اللبنانية لـ"نجل شعبولا": أنا مهري غالي.. وموافقة أتجوزك بشرط | فيديو

دخلت المطربة اللبنانية منار في صدام جديد مع المطرب عصام شعبان عبد الرحيم، بعدما خرج بتصريحات جديدة مؤخراً للحديث عن أزمة الميراث، وقال ساخراً "بصراحة البت حلوة وممكن أتجوزها".

فى هذا السياق، ردت "منار" على تصريحات "عصام"، حيث قالت لـ"فيتو": "بصراحة مش فاهمة ليه عصام يقول كدة ويخرج فى تصريحات بهذا الشكل، الموضوع انتهى وخلاص، بس من كام يوم عصام طلع فى حوار مع أحد القنوات وقعد يقول البنت حلوة وعاوز أتجوزها".




وأضافت "منار": "أنا موافقة أتجوزك يا عصام بس انا مهري غالي وليا شرط، آخد حقي، عملت أية الأول فى موضوع الفيلا؟ أنا كنت نازلة مصر عشان أعمل مؤتمر صحفي وأتكلم فى كل حاجة بس قفلت القصة نهائي عشان الوسطاء بمجرد حضوري فرح بنتك حفيدة شعبان عبد الرحيم".

واختتمت: "أنا عارفة إني حلوة شكراً جداً ليك، المرة ده ياعصام أنا سكت عشان بحب شعبان عبد الرحيم، وهو الأب الروحي ليا".
 
وكانت "فيتو" انفردت مؤخرًا بتفاصيل أزمة الميراث بين عصام شعبان عبد الرحيم، والمطربة منار التي أكدت في تصريحات سابقة أن لها حق في الميراث، وأنها تمتلك مستندات بذلك، وهو ما أثار غضب أبناء شعبان عبد الرحيم.

على الجانب الآخر، استقبل "عصام" المطربة منار، التي حضرت حفل الزفاف برفقة رجل الأعمال هاني خلف أبو الدهب، والذي أنهى الخلاف الذي وقع بين عصام شعبان وأشقائه مع منار، بعد حديثها عن ترك والدهم "فيلا" وجزء من الورث لها.

وقال "عصام" في حديثه لـ"منار"، عقب وصوله: "ما أقدرش أقولك حاجة لأنك جيتِ لحد عندي، وكمان معاك أغلى إنسان كان عزيز على والدي هاني خلف، وكدا الموضوع انتهى"، لترد الأخيرة "في الأول والآخر أنتو أخواتي، وهيفضل الحب بينا".

وكانت "منار" فور وصولها لقاعة الفرح، استقبلها "عصام" بقوله "طيب كده ينفع بعد كل اللى عملتيه مقدرش أقولك أى حاجة غير تنوري، وكمان مش هتكلم لأنك معاك أخ كبير ليا ومقدرش أكسر جيته".

وردت "منار" على "عصام" بالأحضان والقبل لإنهاء الخلاف بينهما، وقالت: "مهما كان الخلاف أنا قلت كتير إن انتوا أخواتي وعمري ما أنسي فضل الأخ والأب الكبير شعبان عبد الرحيم، ولينا كلام كتير بعد عودتي من نيويورك قريبًا".