باتشيكو: بنام مبسوط من لاعبي الزمالك.. ومش هنكون تاني الدوري بفارق 20 نقطة

كشف المدير الفني لنادي الزمالك باتشيكو، عن رؤيته واستعداداته للمباريات الصعبة في الدوري العام لا سيما الـ7 مباريات الأولى.

وقال خلال لقائه ببرنامج "زملكاوي" الذي يقدمه خالد الغندور وطارق يحيى بقناة "الزمالك": "بداية الدوري مش مخوفاني أو قلقاني، ونعمل بطريقة استثنائية وممتازة، وبنام وأنا مبسوط من اللاعبين اللى عندي وتفانيهم في الشغل وأدائهم".

وأضاف: "مفيش حد هيكسب الدوري من أول 4 أو 7 أسابيع، وسنلعب من أجل الفوز بالدوري، ومش هيكون فيه فرق 20 نقطة، والأهلي لم يتفوق علينا في أي نقاط منذ عودتي".

وتابع: "مش هنكون تاني بفرق 20 نقطة، ومحتاج أنسق بعض الأمور لكن حتى فبراير، وأثق في اللاعبين وقدراتهم".