"شفيق" والصحفيين قلقوا منام "بديع"

حشدت الجماعة القاطنة بمكتب الإرشاد بالمقطم المحامين بتوعها امبارح الصبح لمناقشة موضوعين مهمين أوي خلوا بديع الزمان ما عرفش ينام ليلته ودماغه جت على مخدة من كتر القلق.
يقول المحرر إن الموضوع الأول طلب شفيق اللي قدمه للجنة العليا للانتخابات لوقف إعلان نتيجة الرياسة اللي فاز فيها العارف بالله سيدي محمد ولد مرسي العياط.
يضيف محررنا: أن أحد مصادره الفشارين أكد له أن المحامين اطلعوا بديع الزمان على مجموعة من المستندات وتحقيقات النيابة تؤكد أن الدستورية هاتقبل تظلم شفيق ولا يوجد حل إلا التصفية واختمرت الفكرة في دماغ بديع لما قالهم في رده يامسهل.!
وأكد نفس ذات المصدر الفشار: أن المشكلة التانية كانت بتاع 88 فدان في الغردقة عايز يلحسهم الشاطر وأعوانه والجرايد الصفرا كشفتهم وهو عايز يلفق للمحررين شوية قضايا والمحامين قالوا له: سهل خلال الأسبوع ده يتحبسوا بس كلم النائب الخاص.