مخرج "ورد مسموم" يعلق على اختيار فيلمه لتمثيل مصر في "الأوسكار"
علق المخرج أحمد فوزي صالح على ترشيح فيلمه "ورد مسموم" لتمثيل مصر في مسابقة الأوسكار، وذلك عبر صفحته الشخصية على موقع التواصل الاجتماعي "فيس بوك".
وقال "صالح": "احنا سعداء برحلة Poisonous Roses - ورد مسموم واننا قدرنا نعمله في ظروف صعبة كتير، واتعلمنا كتير من أخطائنا فيه، ومشاكله اللي هي حاجات هتساعدنا في شغلنا الجاي، وكنا سعداء جدا باختيار الفيلم في مسابقة الأعمال الأولى في مهرجان روتردام كعرض عالمي أول للفيلم".
وتابع: "دلوقت بتيجي لحظة الترشيح للأوسكار واللي ناس كتير بتتناقل الخبر بشكل خاطئ، بداية احنا سعداء باختيار اللجنة للفيلم عشان يمثل مصر في الأوسكار، ولكن ده تقليد سنوي بيحصل من سنين كتير.. احنا بنشكر الناس على سعداتهم لينا، بس حابين نوضح أن ترشيح الفيلم لا يعني مشاركته في المنافسة النهائية (واللي احنا عارفين انها حاجة صعبة)".
كواليس اختيار "ورد مسموم" لتمثيل مصر في الأوسكار
وأضاف: "رحلة صناعة الفيلم الأول هي الرحلة الأصعب اللي صناع الفيلم بيتعلموا منها أشياء كتير جدا أن كان فنيا أو عمليا أو إنتاجيا، وبيحاولوا فيها يقدموا أسلوبهم ولغتهم، وده المهم، مش مهم ينجحوا أنهم ياخدوا جوايز كتير، ويلفوا مهرجانات اكتر، المهم بالنسبة لنا أننا نستمر في صنع الأفلام اللي عايزين نعملها".
