حمدي الميرغني: استقطعت إسراء في البداية بسبب فلوسها.. وهي كانت بتعاملني كحالة إنسانية
قال الفنان حمدي الميرغني، إن بداية معرفته بإسراء عبد الفتاح كان في بداية مسرح مصر.
وتابع خلال لقائه ببرنامج «صاحبة السعادة» تقديم الإعلامية إسعاد يونس، المذاع على فضائية «DMC»: "إسراء كانت بتتعامل معايا أنا ومحمد عبد الرحمن ومحمد أنور كحالة إنسانية، عشان هي الوحيدة اللي كانت بتيجي التصوير بعربية واحنا كنا بنركب أتوبيس الإنتاج، ومرة ركبنا معاها في عربيتها وعدينا على بياع سمك قلنا الله دا احنا من زمان ما أكلناش سمك، فقالت هنزل اجيب لكم ومن بعدها بقينا نستقطعها من غير كسوف".
وأضاف "الميرغني"، أن سبب اعتمادهم على إسراء عبد الفتاح إنها كانت ميسورة ماديًا، مشيرًا إلى أن علاقتهما في البداية كانت لا توحي بأنهما سيرتبطان.
