مديحة عزت تمارس مغامرتها الصحفية مع كامل الشناوي

قالت له: بونجور كامل بيه الشناوى؟
رد بقوله: بونجور أهلا وسهلا مين معايا؟
قالت: أنا واحدة معجبة بيك جدا وماكنتش عارفة أوصلك.
قال: أنا هنا تحت أمرك أأمرى.
قالت: كلمنى شوية عن نفسك زى ما بتكتب الشعر والصحافة.
قال: كلمينى انت عن نفسك علشان اسمع الصوت الجميل ده، قوليلى اسمك ايه؟
قالت: اسمى مرفت، أنا بحبك خالص ممكن أشوفك؟
قال: طبعا قوى قوى، وفى المكان الذي تختاريه.
قالت: انت بتعمل ايه دلوقت ؟
قال: أنا في البيت لغاية الساعة الثالثة عصرا وبعدها سأذهب إلى مكتبى بجريدة الجمهورية إلى ما لا نهاية.
قالت: طيب أشوفك امتى اللى يناسبك؟
قال: الساعة تسعة مساء.
قالت: على فكرة أنا ساكنة في مصر الجديدة.
قال: تحبى اطلع لك مصر الجديدة في الميعاد؟
قالت: إذا كان ممكن لو سمحت
قال: فين في مصر الجديدة، ممكن جروبى مصر الجديدة؟
قالت: الساعة الثامنة والنصف في جروبى النهاردة.
قال: طيب يا ستى وأنا سعيد خالص.
قالت: وأنا كمان، أورفوار.

في الميعاد فوجئ كامل الشناوى بزميلته الصحفية تعترف له بالتليفون أنها مديحة عزت وهى واثقة أنه سيصفح عنها لأنه معجب بشقاوتها الصحفية.