ريهام سعيد عن فستان رانيا يوسف: «اللى يقلع يقلع.. واللى يلبس يلبس»
وصفت الإعلامية ريهام سعيد، الانتقادات الموجهة للفنانة رانيا يوسف، بسبب الفستان الفاضح الذي ظهرت به في ختام مهرجان القاهرة السينمائى، بأنها مهزلة.
وقالت خلال برنامج «صبايا» المذاع على فضائية «الحياة»: «سبق وقلت إن هناك 100 طفل معرضون للموت في أي لحظة ولم يتحرك أحد، ولم أسمع أن أعضاء مجلس النواب تحركوا أو تحدثوا عن ذلك، ولكن عندما أثيرت أزمة فستان رانيا يوسف الجميع تحرك، ومجلس النواب بيناقش فستان رانيا يوسف».
وتساءلت: «أشمعنى رانيا يوسف؟.. وفى واحدة عندنا إحنا مش عارفين هي ممثلة ولا راقصة ولا عارفين هي بتشتغل إيه ليه محسبنهاش وكل حياتها أنها تنشر صور وهى مش لابسة هدوم على الإنترنت وهى ترتدى المايوة ونايمة على الأرض وطالعة على الحيطان، ولم نحاسبها.. أشمعنى رانيا يوسف؟».
وتابعت: «مبقولش أن رانيا يوسف غلطانة أو مش غلطانة لأنى مش قاضى عليها وأنا مالى بها..ولكن أتحدث عن نشر الفجور.. ياريت نكون مجتمع بيتهزأ علشان تستاهل.. واللى يقلع يقلع.. واللى يلبس يلبس، والتقاليد على رأسنا من فوق، ولو حد كسرها نعاقبه ونزعل منه والجمهور يقلب عليه».
