مرتضى منصور: والد كهربا بيفكرني باللي ماشي ورا الرقاصة يلم النقطة

فتح مرتضى منصور رئيس نادي الزمالك النار على طارق حامد وكهربا لاعبى الفريق بسبب الأزمات الأخيرة بينهما، وطلبهما الرحيل عن الفريق.

وقال في تصريحات لبرنامج الكرة والجماهير على شاشة LTC: "طارق حامد أنا مش عايزك خلاص في النادي، طلبت تعديل عقدك أكتر من مرة ورفعت مستحقاتك من 5 ملايين إلى 10 ملايين ومش عاجبك، ورايح تقول لبيراميدز انتظروا 6 شهور وخدونى ببلاش، بدل ما تقول الزمالك هو سبب الفضل علَيَّ".

وتابع: "أبو كهربا بيفكرني باللى ماشى وراء الراقصة يلم النقطة، أنت مالك ومال اللاعب والنادي.. وبقولك كهربا مش حيمشى من الزمالك مهما عملت".

وعن فشل لاعبي منتخبنا الوطني في مونديال روسيا قال رئيس الزمالك: "المفروض اللاعيبة دي تتكسف على دمها مش كل واحد راجع يقولى أنا عايز كذا مليون، نسيوا أنهم كانوا السبب في نكد المصريين".