أبوبثينة يكتب: همّ البطون

في مجلة الهلال عدد.. 1944 كتب شيخ الزجالين أبو بثينة قصيدة طريفة بعنوان ( هم البطون ) قال فيها:
ثلاثة شهور من يوم ماعييت.. راقد في البيت
الكرش راح منى وخسيت.. علشان عيان
قالوا تصلب في الشرايين.. حايموت مسكين
ذبحة وياريت ذبحة بسكين.. زى الخرفان
يانهار دى ذبحة صدرية.. جامدة قوية
قلت انتهيت ميه الميه.. والموت أهو بان
منعونى من أكل التحابيش.. السمن مفيش
سلطة خضار مع جبنة قريش.. وزبادى كمان
وحنة من صدر الكتكوت.. آدى كل القوت
وإن كلت شيء غير دى حاتموت.. يا إخواتى جعان
والعيش مفيش غير ربع رغيف.. والملح خفيف
الكرش ضاع وأصبحت نحيف.. ولا نيش زعلان
لأني أدركت الغلطة.. بعد مغالطة
وعرفت أسباب الجلطة.. إن أنا جعان
كان كل أكلى سمين في سمين.. لما الشرايين
الشحم سدها والمصارين.. انسدوا كمان
أنا كنت أروح على باب اللوق..وأدخل ع السوق
وأرجع في تاكس لكن موسوق.. أشكال وألوان
كبدة وكلاوى وبط سمين.. زغاليل حلوين
ووز معلوف ع السكين.. وعتاقى سمان
وأروح أجيب.. وكباب في سياخ.. عند الدهان
ألهط في طرشى يجيب أملاح.. عقل بدنجان
دلوقتى باكل أكل خفيف..النص رغيف
هم البطون ياما ضيع ناس.. وخمد أنفاس
م الصحة أربع تخماسى.. وأنا الغلطان