كريم فهمي يوجه رسالة شكر لزوجته: «أنتي الجندي المجهول في حياتي»
وجه الفنان كريم فهمي رسالة شكر لزوجته عبر صفحته الشخصية على موقع الصور الشهير «إنستجرام» ونشر صورة تجمعهما.
وكتب كريم تعليقًا على الصورة قائلًا: «شكرا حبيبتي على تعبك معايا، شكرا على استحمالك ليا وأنا بشتغل وأنا بكتب كل فيلم جديد، شكرا على اهتمامك بقراءة كل فيلم بكتبه، شكرا على اهتمامك بلبسي وشكلي، شكرا على حبك لنجاحي كأنه نجاحك أو أكتر».
وتابع: «الحقيقة أن ليكي في نجاحي ده أكتر مني شخصيا، شكرا على وقوفك جنبي لما أصر على رفضي لأي عمل لا يليق بالجمهور رغم احتياجنا المادي ليه وتقوليلي ولا يهمك نستحمل، لو كنت أخدت خطوات فده لأن ربنا سبب فيكي الأسباب أنك في ضهري».
وأضاف:«ربنا يخليكي ليا أنا والبنات وتفضلي شايله همنا طول الوقت، قررت اكتبلك قدام كل الناس عشان أنتي الجندي المجهول في حياتي... شكرا على كل حاجه يا حبيبتي».
