ثورة غضب تجتاح «تويتر» بعد رفع أسعارالوقود.. محمد:«مينفعش نركب الحمير بعد ما اتعودنا ناكلها».. أحمد: «لسه الكهرباء هتزيد أول أغسطس».. رشاد: «زيادة المرتب وراها خازوق

أطلق مستخدمو موقع التواصل الاجتماعي «تويتر»، هاشتاجًا جديدًا يحمل اسم «#البنزين»، تصدر قائمة الموضوعات الأكثر تداولًا عبر الموقع.

ومن خلال الهاشتاج، عبر رواد تويتر عن غضبهم الشديد، بعد قرار مجلس الوزراء بشأن رفع أسعار بيع البنزين والكيروسين والسولار.

وسائل بديلة
قال محمود: «بفكر أشتري عجلة أو اشترى حمار بس هجيب له أكل منين»، وعلقت آية: «ده كده الواحد بقى محتاج يحوش عشان يولع في نفسه حتى»، وغرد محمد: «أكبر مشكلة إن إحنا مينفعش نركب الحمير بعد ما اتعودنا على اكلها ده حتى يبقي حرام».

وعلق فؤاد: «اللهم أجعل الجنسية المصرية شفيعة لنا يوم القيامة»، وقال نادر:«شايف العربية المتغطية والمتربة هناك ديه؟ دي عربيتي من 16 سنة من ساعة ما غلي البنزين»، وغرد أحمد: «عاوزك كده تجمد شوية ده لسه الكهرباء هتزيد من أول أغسطس».

للأغنياء فقط

وغرد العنتبلي:«البنزين أصبح للأغنياء فقط المواطن العادي كفاية عليه يمشي على رجليه، ويحمد ربه إنه مبيدفعش رسوم الطريق»، وعلقت خلود: «ننسي #البنزين عشان من السبت الجاي ضريبة القيمة المضافة ١٤٪».

زيادة المرتب
وقال رشاد: «كنت متأكد أن زيادة المرتب مرتين تلاتة دي وراها خازوق.. زود المرتب 300 جنيه والأسعار تزيد الضعف يعني الزيادة ملهاش أي قيمة»، وعلق أحمد: «انتظرو زيادة الأسعار 50% على كل السلع، وأنسوا أن الحكومة تراقب الأسعار عشان هي مش فاضية كانوا راقبوها من الأول».