أحمد إبراهيم يكتب: يوميات زوج مفروس
يوميات زوج مفروس
اتجوزت يا ناس بعد ما حبيت
أتارى الجواز خراب للبيت
كنت فاكر هعيش حياتى
دلوقتى عايش بقول ياريت
الله يرحم سهر الليالى
والقلب اللى كان عايش عشانى
والحب اللى كان حلم في خيالى
دلوقتى بقول آه ياانى
كنت شايف رقة ماشفتهاش
دلوقتى شايف وللا أحسن بلاش
كنت عليها دايما بخاف
دلوقتى نفسى أجيب رشاش
ياما كتير قبلى ونصحونى
العقل زينه بلاش عاتبونى
قلت حياتى أنا حر فيها
دلوقتى بقول آه ياعيونى
