«وبعدهالك يا مصر» يحمل أحزان المصريين.. قناوي: تعبت فيكِ ولا عارف أرضيكِ.. فارس: أوصى على أهلها نبي.. عمرو: الله في هذا البلد.. أحمد: حالك فوق احتمالنا.. باهر: فيكِ طبقات بتختفي..محمد: حني ع
حالة من الحزن المشوب بالسخرية ظهرت في هاشتاج "وبعدهالك يا مصر، الذي تصدر تراند مصر على "تويتر"، حيث عبر نشطاء موقعي التواصل الاجتماعي "فيس بوك" و"تويتر" عما يختلج في صدورهم من حزن نتيجة غلاء الأسعار، والأزمة الاقتصادية التي تعاني منها مصر، مشيرين إلى حبهم لها وخوفهم عليها من الأزمات الخانقة التي تمر بها.
سواد العسل
قال أبو بونسي: "عارفه سواد العسل اهو ده اللي حالك ليه وصل ازاي قوليلي مكمله وكل ده فيكي حصل.. وبعدهالك يامصر"، وأضاف قناوي الصعيدي: "وبعدهالك يامصر تعبت فيكي لا عارف أرضيكي ولا قدر أعيش فيكي أغلى الأوطان".
وعلق فارس عاشق الياسمينا: "وبعدهالك يا مصر.. لن تسقط بلد دعا لها نبي وسكن فيها نبي.. ومشي على أرضها نبي وأوصي على أهلها نبي.. وتجلي على أرضها رب كل نبي"، وتابع حسن محمد: "يا قلبى يا موجوع.. يا آهه حاضنة دموع حب البلد بيعيش.. لما يموت الجوع.. وبعدهالك يا مصر".
وصلنا
وقالت إيمان: "وبعدهالك يا مصر.. هي الناس بطلت ليه تقول رايحة بينا على فين يا مصر.. لنكون وصلنا"، وأضاف أحمد صابر: "وبعدهالك يامصر.. وبعدهالها إيه مصر دي مجرد أرض لا بتتكلم ولابتتحرك قول وبعدهالنا احنا.. وبعدهالك يا شعب مصر"، وعلق ميدو أحمد: "وبعدهالك يامصر.. تعبنا فيكي وبزيادة".
ورد كرتيك: "وبعدهالك يامصر عاوزه ابنك اللي متغرب عنك وهو راجع لحضنك تدفعيه 800 دولار عشان يعيش فيكي ليه"، وتابع عمرو صلاح: "لكنا الله في هذه البلد.. وبعدهالك يا مصر".
أغلى من عيني
وقال أحمد الفولي: "وبعدهالك يا مصر.. مش معنى أننا بنعشق ترابك أنك تسففهولنا!"، وأضاف أحمد محمد: "وبعدهالك يا مصر تريكة مش إرهابي".
وعلقت مشيرة إم إف: "وبعدهالك يا مصر يا أغلى من عينى يا أغلى من ابنى بحبك قوى يامصر"، ورد صلاح بو صلاح: "وبعدهالك يا مصر.. بقي أكبر تارجت ليا بعد التخرج أني أهاجر واسيب كل حاجة حلوة لأني مش قادر أكمل فيكي اكتر من كده ولا هقدر حتى أكون أسرة هنا".
وتابع أحمد السيد: "وبعدهالك يا مصر وبعدهالك مالك ومالنا.. يا مصر حالك فوق احتمالنا".
إهانة
وقال على محمد: "وبعدهالك يا مصر.. هي برضه اللي بعدهالها آمال احنا إيش نكون.. هي استحملت منا أذية وإهانة وبهدله ذنبها إيه الأم لو الولاد عاقين لو فاسدين"، وأضاف ماتريكس: "وبعدهالك يا مصر.. متديش خيرك غير للغنى ومتاخديش غير من الفقير".
وعلق كريم عواض: "أجنبي ركب الأتوبيس قال ازاي بلد الحضارات تبقا كابوس من بعد الحلم وقت ماكان العالم جاهل مصر ديه كانت بلد العلم وبعدهالك يا مصر"، ورد محمد على قائلا: "الأرض نفس الأرض والأيام والشمس لم تتغير المشكله في الناس والأشخاص.. وبعدهالك يا مصر".
وتابع باهر حسن: "وبعدهالك يا مصر فيه طبقات بتختفي أقسم بالله".
تعبنا
وقال محمد مصطفى: "حني علينا بقي شويه إحنا تعبنا بجد"، وأضافت نورا رحيل: "وبعدهالك مالك ومالنا يا دنيا حالك فوق احتمالنا ولا صنتي مالنا ولا جمالنا وبعدهالك مالك ومالنا"، وعلق إكس زيدان: "فين كيس السكر".
ورد صقر فودا: "وبعدهالك يا مصر.. علاء مبارك بياخد عزا والد أبو تريكة في مصر.. وأبو تريكة بياخد عزا أبوه بره"، وتابعت لومي ميدو: "وبعدهالك يا مصر مش ناويه تجبيها لبر ولا حتى لبحر سيبانا في نص الطريق مش عارفين نعمل معاك إيه هو العيب فيكي ولا في ولادك أنا تعبت معاك".
ما ترسي
وقال محمد الشامي: "وبعدهالك يا مصر ما ترسى على جو عشان أنا اتخنقت الصراحه دلوقتى رطوبه وحر وزهق.. وبليل سقعة.. ما براحة"، وأضاف إيهاب نبيل: "أنت في بلد كلها خيرات... أحمد ربك.. بجد احنا أحسن من غيرنا كتير".
وعلق الماجيكو قائلا: "في حملة طلعت في بورسعيد تطالب جماهير الأهلي بقبول الدية والعفو عن المتهمين طب هو مش كدة يبقى اعتراف رسمي بالجريمة"، وتابع بشوي رمزي: "وبعدهالك يا مصر.. قالها العظيم البابا شنودة... أنت يا مصر لست وطن نعيش فيه بل وطن يعيش فينا".
