مرتضى منصور: «أيمن نور جبان.. ولو رجع مصر هينضرب بالجزمة»
قال المستشار مرتضى منصور، رئيس نادي الزمالك، "إن هناك عداء غير طبيعي للجيش لمشاركته في المشروعات القومية وحل الأزمات"، مضيفا: «من ساعة ما سمحنا للعيال الصايعة يقعدوا مع قائدي الجيش والعملية زادت إحنا اللي عملنا كده في نفسنا».
وعلق خلال لقائه ببرنامج «على مسئوليتي»، المذاع على قناة «صدى البلد»، على دعوة أيمن النور للنزول في 11 -11، وقال: «أيمن نور ده عبيط ولو هو راجل يقولنا أمن الدولة وراه إيه بالفيديو بعد ما خرج بعفو صحي 2009، أنا مش هقول الفيديو فيه إيه عشان أنا طالع من الحج».
وتابع: «بالقطع أيمن نور ده جبان وهارب ارجع عشان الناس تضربك بالجزم، الشعب المصري مش شخشيخة في إيد حد، وكلام أيمن نور لا قيمة له»، مضيفا: «لا بد أن يتم تحويل 30% من مرتبات العاملين بالخارج للبنوك المصرية لكي تحل أزمة العملة».
وأوضح: «هو السيسي اللي وقع الطيارة الروسية ولا هو اللي خلى واحد متخانق مع مراته يولع في نفسه، أنا حزين إن ثورة تونس أشعلها واحد كافر لأن اللي يولع في نفسه كافر وحزين إن ثورة يناير أشعلها واحد حشاش»، مضيفا أنه لا بد من تعديل التشريعات القضائية لسرعة التقاضي في المحاكم والقصاص لدماء الشهداء.
