حوار افتراضي بين ضابط شرطة وصحفي معارض

الضابط للصحفي: رخصك لو سمحت!
الصحفي: اتفضل يا فندم؟
- إيه ده.. مش قصدي رخصة السيارة.. قصدي رخصة صفحتك على «فيس بوك».
- آه.. آسف.. اتفضل يا فندم.
- الرخصة تمام.. بس للأسف هتدفع غرامة.
- ليه يا فندم.
- مش لابس الحزام.
- أنا لابس الحزام آهو يا فندم.
- آه صحيح.. أنا آسف.. بس هتدفع غرامة عدم لبس الخوزة.
- يا فندم ما أنا لابس الخوزة آهو.
- دا انت غلباوي قوي.
- م الآخر هتدفع غرامة..
- ليه يا فندم.
- صفحتك على «الفيس» راكنة صف تاني.. ولو ما دفعتش هجيب الونش يرفعها..
- انت صح.. اتفضل يا باشا..
- إيه ده؟
- دا الباسورد بتاع الصفحة.. واتصرف فيها زي ما انت عاوز..!!