«زينة» لـ«عز»: «استرجل وبطل تجيب اسمي.. وأولادك مش سبب فشل فيلمك»

وجهت الفنانة زينة عبر صفحتها الرسمية عبر موقع التواصل الاجتماعى "إنستجرام"، رسالة إلى الفنان أحمد عز بخصوص الأزمة المثارة بينهم حول قضية إثبات نسب توءمها قائلة: «آسفة لجمهورى الغالى اللى وعدته إنى مش هذكر المدعو ده تانى بس كمان أنا مش هسكت لأى كلمة تتقال كدب زى ما وعدتكم».

ووجهت رسالتها: "دى رسالة منى ردا على البيان المسمى بحوارات صحفية للمدعو أحمد عز أحب أقوله (مش لأن فيلمك فشل والناس مش طايقة تشوفك) لأنك ببساطة تصرفاتك لا تمت للرجولة بصلة، أحب أقولك استرجل وبطل تجيب اسمى واعرف إن في حكم محكمة وتحترمه غصب عنك لأنه حكم رجع لولادك حقهم وبكرة يكبروا ويعرفوا إنك حتى ماتستهلش تكون بنى آدم.. لم نفسك وكفاية رخص وابعد عننا بكدبك الرخيص، وبدل ما تروح تشتكى وتعيط في كل مكان وتعمل شكاوى وتشغل ناس بكدبك احترم حكم المحكمة، أو هات دراعك ناخد منه شوية دم نعمل التحليل دي_إن_إيه dna، ده لو عندك أصلا".

واختتمت "زينة" رسالتها قائلة: " ولاد عز مش هما سبب فشل فيلم ولاد رزق والمرة الجاية لو فتحت بقك علينا تانى عليا أنا وولادك أنتظر المفاجأة في الوقت المناسب كالعادة، وأخيرا وأنا عارفه إنه صعب "أحمدعز حاول تكون_محترم" وأخيرا والحمد لله ربنا ظهر الحق وجاب لنا حقنا ابعد عننا بقى وحسبى الله ونعم الوكيل".