إزاي أصالح!
دمّ أخويا في التراب
دمّ أخويا وفوق أيديك
دمّ أخويا وف هدومك
دمّ أخويا صار حمومك
قوللي يبقى إزاي أصالح؟
كلّ يوم تعملي دوشة
كلّ يوم وعاملِّي روشة
والأيدين وصابتها رعشة
والعينين معمية دِعشة
والنشان على قلبي فالح
والجيوب بدولار بتعمر
والسلاح بالموت تعمَّر
أرض بلدك ليه تدمَّر
ف الخراب دايما مشمَّر
والمرار من قلبي طافح
الكلام من بُقُّه فاكِس
والطريق يمشيه معاكِسْ
ف الحوار دايما مشاكِسْ
والدماغ من جهله ناكِسْ
باع كرامته بالمصالح
دمّ أخويا وف هدومك
دمّ أخويا صار حمومك
يقلقك من عز نومك
هان عليك تقتل أخوك؟
يا وطن بيكتفوك
وأنت عارف مين باعوك
قوللي يبقى إزاي هصالح؟
