المصريون يشتاقون لشهر رمضان.. تدشين هاشتاج "مستني رمضان عشان".. أمينة: «وحشتني اللمة على الفطار وصلاة التراويح».. حسين: «بنحس فيه بالفقراء».. نفين: «أحب لمة السحور وقراءة القر

أبدى نشطاء تويتر في هاشتاج بعنوان: "مستني رمضان عشان"، حالة من الترقب والانتظار لقدوم الشهر الفضيل واحتل المركز الأول في تراند تويتر.

وجذب الهاشتاج العديد من النشطاء، الذين أكدوا أنهم ينتظرون شهر رمضان باشتياق بسبب الروحانيات التي لا توجد إلا فيه، ومشاهدة الشوارع التي تعج بالناس، والبلح والإفطار مع العائلة.

وقال mema_amore1:"الخمسة جنيه اللي بيلموها مننا عشان زينة رمضان.. مستني رمضان عشان.. عشان كوباية البلح باللبن وهى ساقعة مشبرة وقت الفطار".

وأضاف محمد: "أغذي روحي"، وShereenElFouly " مستني رمضان عشان فرن العيش البلدي بيفضل شغال لحد وقت متأخر وتقريبا مبيبقاش فيه حد عليه.. اليوم بيخلص خفيف خفيف ومفيش زحمة".

صلاة التراويح وقراءة القرآن
وقالت eng amina: "مستني رمضان عشان حاجات كتير.. صلاة التراويح والتهجد وختم القرآن والدعوة المستجابة عند الإفطار واللمة على الفطار وعزومة أصحابي ليا على الفطار".

وأكد عمر أحمد "مستني رمضان عشان امتحاناتي هتخلص تالت يوم رمضان"، وفيولا جوجو:"روحانيات رمضان.. وعلشان أصلي التراويح".

اللمة على الفطار والسحور
إمام الأمير "مستني رمضان عشان اللمة الحلوة عند الفطور والصلاة في المسجد"، ومحمد الحسن" مستني رمضان عشان ألعب كورة بعد الفجر".

وأشار أحمد فايد إلى أن "مستني رمضان عشان ننضف شوية بقى"، وقالت YanYasserr "مستني رمضان عشان لمة العيلة والصحاب.. صلاة التراويح والقرآن.. رسالة والقوافل الداخلية"، أما شفيق حبار قال: "مستني رمضان عشان أفوق م إللي أنا فيه".

وقالت هبة الله محمد: "أتفرج على العيال وهما بيلعبوا كورة في الشارع بعد الفجر"، وأضاف عبد الله برهام" مستني رمضان علشان أقول هتصوم ولا زي كل سنة ".

وأكدت نيفين محمد: "مستني رمضان.. لمّة العيلة والسحور وابتسامة الناس في وشّ بعضها من غير سبب كده..عشان التراويح ودعوة قبل الفطار..اللهم بلغنا رمضان".

أحمد فتحي" مستني رمضان عشان الناس الطيبة بتظهر"، وأحمد حسين مستني رمضان عشان أحس بالناس الفقرا اللي ممكن مياكلوش أي لقمة طول أسبوع".

الدعاء وصلاة التهجد
محمد ناجي إمام "مستني رمضان عشان أسمع صوت المقرئ في التراويح"، وعبد الرحمن محمود "مستني رمضان عشان أعيش جو تاني وأدعو أن أكون أنا وأنتم ممن يعتقهم الله من النار اللهم بلغنا رمضان غير فاقدين أو مفقودين".

ولاء عطاالله "عشان باكل زبادي كل يوم.."، وهبة عماد "مستني رمضان عشان التهجد وقيام الليل في الأيام العشرة الأواخر مسابقة ختم القرآن مع العائلة".

وأحمد عبده: "مستني رمضان عشان لمّة العيلة والسحور مع الأصحاب وابتسامات الناس في وشّ بعضها من غير سبب كده"، وباسم بركات"مستني رمضان عشان أرجع أتجمع مع أصحابي ونفطر مع بعض". 

التميمي " شهر فضيل.. وعشان لمة العيلة والإبداع في السفرة "، ومروة مرسي: "مستني رمضان عشان الأجواء بتاعته مش موجودة في أي شهر".