«شاعر سوهاجي»: الله حي دستورنا أهو جاي
أعلن ممدوح السباعي سكرتير نادي أدب البلينا عن فرحته باقتراب الاستفتاء على الدستور الجديد، ووصف فرحته بقرب إقرار دستور لكل المصريين والتقدم خطوة نحو الاستقرار في قصيدته بعنوان: الله حي دستورنا.. جاي.
الله حي الله حي الدستور بتاعنا أهو جاي
قلبت شوية في قوانينه شفت حلاوته وتفانينه
لقيته حاجة تفرح وتسر لقيته حاجة ما لهاش زي
الله حي الله حي الدستور بتاعنا أهو جاي
حقي وحقك باينين ولا فيش حاجة بين البينين
دا اللي عملوه محترمين
كانوا يشاورونا كل شوية
الله حي الله حي الدستور بتاعنا أهو جاي
دستور بجد أيوه بجد
ما فيهوش حد أحسن من حد
للغلابة ملجأ وسند مش دستور إخوانا البعدا
ذي الطبيخ الني
الله حي الله حي الدستور بتاعنا أهو جاي
راح يورينا الليل م الصبح
راح يعيشنا العيشة الصح
وألاقي علاج للواد لوكح وأم عيالي ترضى على
الله حي الله حي الدستور بتاعنا أهو جاي
هاقوله نعم تنعم بيه بلادي
هاقوله نعم ونكيد الأعادي
وادي بلدنا علينا بتنادي أنت وهو يالا يا خي
الله حي الله حي الدستور بتاعنا أهو جاي
