تأجيل محاكمة زوجة مسلم بتهمة سب وقذف البلوجر أروى قاسم

قررت المحكمة الاقتصادية، تأجيل ثاني جلسات محاكمة يارا تامر، زوجة مطرب المهرجانات مسلم لاتهامها بسب وقذف البلوجر أروى قاسم، عبر مواقع التواصل الاجتماعي لجلسة 9 مارس المقبل.

كانت قد تقدمت البلوجر أروى قاسم ببلاغ للنيابة العامة اتهمت فيه زوجة مطرب المهرجانات مسلم بالإساءة إليها من خلال نشر مقاطع مصورة وعبارات مسيئة عبر حساباتها الشخصية على تطبيقي تيك توك وإنستجرام، مما الحق بها أضرار نفسية ومعنوية بالغة.

كما توعدت يارا البلوجر أروى قاسم بأنها ستقوم بتقديم بلاغ إلى الشرطة مع زوجها مسلم، وأضافت: “أنا نازلة أنا وجوزي نعملها محضر وأنا عن نفسي هنتها وخلاص ومصر كلها بتتكلم عليها وعلى أهلها، شوفوا بقا لما جوزي النهارده يطلع يعرفها مقامها عشان تبقى تتكلم على ستها”.

زوجة مسلم تنفي تناولها المواد المخدرة 
ونفت زوجة مسلم الادعاءات التي انتشرت على وسائل التواصل الاجتماعي في الساعات القليلة الماضية على لسان البلوجر أروى قاسم بتعاطيها المواد المخدرة، وقالت: “أكيد دا مش منظر واحدة بتاخد مخدرات يعني انتو بتشوفوني كل يوم على الستوري عمركم شوفتو حاجة في ايدي”.

وتابعت: “أصلا الفترة دي كنت عاملة عملية وتعبانة أوي وهنزلكم الصور ورغم كدا دا كان عيد ميلاد مسلم ونزلت وأنا تعبانه والفتره دي نزلتلكم إني في المستشفى وبعمل عملية وقولتكم ادعولي هوريكم أصلا وأنا في المستشفى فيا حرام واحدة فرجت عليها العالم كله لازم تطلع تتهمني بأي حاجه بس الناس مش عبيطة عشان تصدق كل ده”.

واختتمت يارا حديثها قائلة: “مين في الدنيا أصلا اتجوز 7 مرات ولا 8 مرات دا أنا عندى 25 سنة”.

وفي وقت سابق علق الثنائي مطرب المهرجانات مسلم وزوجته يارا تامر على عودتهما لبعض من جديد بعد انفصالهما مؤخرا.

مسلم وزوجته يعلقان على عودتهما   
وقالت يارا تامر زوجة مسلم في تصريحات تلفزيونية: “والله أنا مكنتش متخيلة إن كمية الناس دي كانت بتتمني أننا نرجع بالشكل دا ومسلم عمل ليا أغنية أول ما رجعنا لبعض وقولت له تعالى نصور الأغنية دي ما بعض علشان الناس تعرف أننا رجعنا بيها”.

بينما قال مسلم: “كنت متأكد، أن الناس هتفرح بموضوع العودة دا علشان كنا منفصلين ورجعنا والحمدلله الناس كانت ليها رد فعل كبير وغريب ومفيش حد قال كلمة وحشة”.

ومن ناحية أخرى، كان مطرب المهرجانات الشهير مسلم قد أثار جدلًا واسعًا خلال الأيام الماضية، بعد تداول فيديو له برفقة البلوجر أروى قاسم في حفل زفافه، وبعد تبادل الكلام بين كل من البلوجر وزوجة المطرب،  خرجت يارا تامر عن صمتها لترد على الادعاءات التي تناولتها مواقع التواصل الاجتماعي.

زوجة مسلم ترد على شائعات انفصالهما

وردت يارا تامر على تعليقات أحد متابعيها عند سؤالها عن شائعات انفصالها عن المغني مسلم من خلال صفحتها الرسمية على موقع التواصل الاجتماعي “إنستجرام”، قائلة: “غير حقيقي يا حبايب قلبي أنا ومسلم عدينا بحاجات أصعب من كدا بكتير وفضلنا متمسكين ببعض وعمري ما هتخلي عنه ولا هو يقدر يعيش من غيري وهيردلي اعتباري ويطلع ينهي الكلام ده كله”.