أحمد محمد ثروت يعلن تعافيه: ربنا أراد أعمل عمرة وأنا واقف على رجلي

كشف الفنان أحمد ثروت ، نجل المطرب الكبير محمد ثروت، عن تطور إيجابي فى حالته الصحية عقب سنوات من المعاناة.

أحمد محمد ثروت

ونشر أحمد مجموعة صور عبر حسابه الشخصي بإنستجرام وأرفقها بتعليق: الحمد لله الذي رزقنا إتمام العُمرة، اللهم تقبلها منا يارب العالمين 

أكتر حاجة كان نفسي اعملها وانا واقف علي رجلي إني أزور بيت ربنا وأعمل العمرة… والحمد لله تمت النهاردة.
كذا مرة في خلال السنة الي فاتت وأنا عالكرسي تترتب وعلى آخر لحظة يحصل مانع صحي ليا إني أروح، كأن ربنا بيأجلها وحابب يفرحني أكتر وأكتر إني أروح بيته وأنا واقف على رجلي مش على كرسي وإني أكون فهمت رسالته ليا السنة الي فاتت دي كلها.

وتابع كلماته بــ: أنا جيت أشكر ربنا على الخير اللي أنا فيه دلوقتي، حتى لو مش متعافي ١٠٠٪؜ بس الحمد لله إني خفيت وعايش وراضي ومبسوط وأهلي حواليا، معاني تبدو بسيطة بس فيها بركة من ربنا والبركة مش الفلوس ولا النجاح …البركة في أن يعدي شهر واتنين وتلاتة وسنة.. وانت مش مضطر تروح للدكتور لأن ربنا مبارك في صحتك أو تاكل أكله نفسك فيها من غير ما تتعب أو تروح حتي الحمام من غير مساعدة حد.

الخلاصة، خليك مؤمن ان ربنا مش بيسيب حد بيحبه ولما بتؤمن من جواك بيعوضك ويخليك ناسي انت خسرت ايه.

وربنا يكتب لكل المسلمين زيارة بيته الحرام  
 

تفاصيل مرض نجل محمد ثروت 

وكان المخرج أحمد ثروت نجل الفنان محمد ثروت قد كشف في وقت سابق عن كواليس إصابته بمتلازمة "ميلر فيشر"، ورحلة علاجه من المرض والتي استمرت خلال الشهور الماضية.

وقال أحمد ثروت في لقائه مع برنامج معكم منى الشاذلي والمذاع عبر قناة ON: "ربنا اختصني وحب يقول لي كلمتين على جنب وحب يعرفني كلمة الله أكبر حرفيًّا لما تحس إنك وصلت لمستوى من النجاح وإني تحولت لروبوت جوا الشغل، وربنا خلاني أعرف أقيم كل حاجة وتقصيري مع أهلي ونفسي".

وأضاف: "كنت في شغل وخلصت ووقت حملة قادرون باختلاف، وأنا واقف لاقيتني بكح نقطة دم وما كانش فيه اتزان خالص والأبعاد متغيرة والقوة منعدمة ومش حاسس إني ماشي على أرض صلبة".

وتابع: "المرض ده سريع بطريقة غير عادلة وفي ظرف 30 دقيقة فقدت الحركة، وأنا سايق العربية لقيت عيني الشمال قفلت، ورُحت المستشفى وقالوا جلطة لأن مفيش حد هيتوقع أن هييجي مرض لبني آدم واحد من كل 100 مليون".

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.