خالد سليم عن ظهوره بساعة ألماس في مهرجان القاهرة: وأما بنعمة ربك فحدث (فيديو)
خالد سليم، علق الفنان خالد سليم، علي ظهوره بساعة ألماس في مهرجان القاهرة السينمائي الدولي، قائلا:"احنا واجهة لبلدنا فلازم يكون شكلنا حلو".
تألق المهرجانات
وأضاف خلال الجزء الثاني من لقائه ببرنامج "حبر سري" الذي تقدمه الإعلامية اسما ابراهيم بقناة "القاهرة والناس":"احنا بنتألق علشان مهرجان بلدنا والناس يجوا من برة يتفرجوا على فنانين وفنانات مصر يلاقوهم متابعين الموضة وشكلهم كويس ولابسين حاجات كويسة".
رد خالد سليم علي ارتداء الساعة الألماس
وتابع:"إحنا مش بنلبس ألماظ علشان نغيظ حد ولكن من باب وأما بنعمة ربك فحدث، ولازم نظهر بشكل كويس".
بذلة مرصعة بالألماس
ولفت:"انا لبست بدلة مرصعة فعلا بالألماظ الحقيقي وقيمتها تقريبا مليون دولار بس دي كانت من أحد الرعاة مش ملكي، وكانت اللياقة كلها والزراير بالألماظ الحر وأنا عن نفسي كنت عايز اخد البلد وأهج، وخلوا مصممة البدلة ترويج للشركة والمعرض وفي الاآخر رجعناها، الناس اتكلمت وكان فيه جدل وقالوا لابس الماظ وميعرفوش أن حسابي مفيهاش 20 الف جنيه".
في نفس اللقاء أكد الفنان خالد سليم:" فكرت في اعتزال الفن نهائيا والسفر خارج مصر بسبب الظروف الصعبة اللي مريت بيها".
تفكير خالد سليم في الاعتزال
وتابع:"كان قبل الزواج سافرت كندا وكان عندي فرح وحبيت أكمل حياتي هناك بس مقدرتش وما بعد الكورونا كنت اتجوزت ومعايا بناتي بس كمية المشاكل والإحباطات والضغوطات والمؤامرات والحاجات الوحشة اللى مكنتش متخيل اشوفها في حياتي خليتني أفكر في الاعتزال تماما ومكنتش عارف هشتغل إيه".
معاناة خالد سليم
ولفت:" فيه فترة في حياتي الله لا يعيدها كمية الناس اللى كانت بتموت حوالينا كانت مرعبة والناس القريبة مننا وتاني يوم نشوفهم بيفارقونا مزعجة، إلي جانب أن مفيش شغل ولا تجمعات ولا حفلات ولا أفراح ولا تمثيل حسابي مكنش فيه 20 ألف جنيه وكنت عايز أبيع عربيتي وكنت في خنقة صعبة جدا ومش عايز أكمل وتعبت وزهقت وضعفت وأحبطت وعرفوا يهزوني ويحبطوني".
إحباط خالد سليم
وأكد:"رغم الإحباط والخنقة والضغوط عمري ما فكرت في الانتحار لإني عايش علشان مراتي وبناتي ومامتي وأعمل أي حاجة في الدنيا علشان يبقوا مبسوطين ومرتاحين، اللى وقف جنبي اتنين مراتي وحمايا وأخويا شادي اللي عايش في الكويت".
بكاء خالد سليم
وتابع خالد سليم باكيا:"انا مبطلبش ومبعرفش أطلب، فترة طويلة جدا حفلات بتتعمل في كل حتة إلا أنا ولغاية النهاردة، الوحيد اللى مرحش الاحتفالات اللى اتعملت في السعودية والوطن العربي، روحت مرة واحدة بس في ايفنت معمول لشو معين وانا كنت مع فرقتي وعملت ساعة غناء مع أبلة فاهيتا، الإحباط وصل بيا إني ازاي انا ابقى الوحيد اللى ابقى من ابناء جيلي اتولد في الكويت وعاش فيها لغاية لما خلص ثانوية عامة وعملت اغاني خليجية كويتية وسعودية وصورت كليبات وغنيت لأهم الشعراء والملحنين في المملكة العربية السعودية والوحيد اللى ميروحش في ولا موسم من مواسم حفلات السعودية، صعب على نفسي وايه الحلقة المفقودة وايه المشكلة كل المهرجانات اللى ليها دعوة بالتمثيل متعزمتش فيها مش في مصر بس ولكن في السعودية والوطن العربي".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
