خالد سليم عن سر انقطاع اتصاله بـ عادل إمام: أنا حساس ومش عايز أتقل عليه (فيديو)
خالد سليم، قال الفنان خالد سليم:"قعدت فترة طويلة بتواصل مع الزعيم عادل إمام بعد مشاركتي معه في مسلسل مأمون وشركاه، وبعدين انقطع اتصالنا لإني شخص حساس شوية ومش عايز اكلمه وازعجه أو ألاقيه مشغول لكن انا من معجبيه ولما قابلته وشوفته واشتغلت معاه حبيته أكتر".
شخصية عادل إمام
وأضاف خلال الجزء الثاني من لقائه ببرنامج "حبر سري" الذي تقدمه الإعلامية اسما إبراهيم بقناة "القاهرة والناس":"عادل امام شخصية عظيمة وجميل ومحترم وحبني وكان عايزني ابقى أحسن، وقعدت فترة بتكمل معاه وبعد فترة حسيت انه مشغول فمبقتش حابب اتقل عليه لكن بطمئن عليه من رامي امام".
انشغال عادل امام
وتابع:"مع الوقت حسيت ان الزعيم عادل امام مشغول وعايز يرتاح ويبقى لوحده فمبتقش اتقل عليه وباكتفي بالاطمئنان عليه من خلال رامي امام".
في الجزء الأول من نفس اللقاء، علق المطرب خالد سليم على الأزمة الصحية التي كان يمر بها قائلًا: “أنا نفسيًّا تعبت بشكل كبير كان عندي مشاكل في أحبالي الصوتبة ما كنتش عارف هي إيه ما كنتش عارف أغني ولا أتنفس ولا أنام مرتاح ورحت لأكتر من دكتور وأخدت كرتيزون لمدة كبير جدًّا لأنه أسهل حاجة عمل احتباس للمياه في الجسم”.
أزمة خالد سليم الصحية
وأضاف: “وزني زاد بشكل كبير جدًّا لدرجة إني ما كانش فيه هدوم بتدخل فيَّ وكنت بلبس ملابس رياضية وفي الفترة دي ما كانش بيتعرض عليَّ أي حاجة تمثيل لأني طويل وكنت ممثل عندي عضلات كويسة فجأة العضلات مع المية بقت ضخمة والناس كانت بتخاف مني”.
معاناة خالد سليم مع التنمر
وأكمل: “صحابي المقربين جدًّا مني سابوا كل تاريخي فجأة بقوا يتريقوا ويتنمروا عليَّ على سبيل الهذار بس دا كان بيأثر فيَّ بالنسبة لي كانت سكاكين، ورُحت البيت دخلت المطبخ فتحت التلاجة كنت باكل وبعيط صعبت عليَّ نفسي جدًّا وتعبت وحاولت أرجع إني أخس والكرتيزون مش عاوز ينصرف والضغط النفسي خلاني أعيط”.
وتابع: "وفي فترة مرضي كان عندي حفلة في الإسكندرية وبعد ما الصور انتشرت لاقيت تعليقات سلبية بسبب شكل جسمي لغاية ما عرفت إني عندي ورم في أحبالي الصوتية وكان المفروض إني أعمل أول حاجة منظار علشان أعرف إيه سبب المشكلة ورُحت لدكتور محمد حماقي هو اللي عرفني عليه لغاية ما عرفت إني عندي ورم وعملت عملية استئصال".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
