رانيا يوسف تكشف عن رأيها الصادم في نادية الجندي (فيديو)

كشفت الفنانة رانيا يوسف، عن رأيها الصادم في نجومية الفنانة نادية الجندية، مؤكدة أنها ليست مقياسا للنجومية كما يعتقد البعض في الوسط الفني.

هجوم رانيا يوسف علي نادية الجندي

وتابعت خلال برومو حلقتها مع الإعلامية أسما إبراهيم ببرنامج "حبر سري" المذاع على قناة "القاهرة والناس": "مدام نادية الجندي مش مقياس النجومية، ولو اتجوزت منتج أو رجل أعمال أنا ممكن أخليه ينتج لي بعد ربع ساعة".

حبر سري في رمضان 2023

وأعلنت الإعلامية أسماء إبراهيم، عن استضافتها عددا كبيرا من النجوم خلال برنامجها في الموسم الرمضاني المقبل، قائلة: "استنوا أهم نجوم مصر والوطن العربي في موسم مليان مفاجآت".

هبة السيسي: رانيا يوسف بتغير مني ومحمد سعد حذف لي مشاهدي في فيلم"كتكوت" (فيديو)

رانيا يوسف تنتهي من تصوير "ورد ريحان"

تصريح رانيا يوسف

في سياق آخر علقت الفنانة هبة السيسي، على تصريح الفنانة رانيا يوسف بعد فوزها بلقب ملكة جمال مصر، بأنها فازت لأنها أحسن الوحشين.

وقالت هبة السيسي خلال لقائها ببرنامج "نص الكلام" الذي تقدمه الإعلامية راغدة شلهوب بقناة "النهار": "استغربت جدًّا رأي رانيا يوسف فيَّ، وما فهمتش ليه".

ملكة جمال مصر

وتابعت: "أيًّا كان رانيا يوسف أنا فعلًا ملكة جمال مصر كدا وأشهر ملكات الجمال اللي تربعوا على عرش الجميلات في مصر ومن أشهرهم وأجملهم وأحسنهم وبشهادة الجميع".
 

غيرة رانيا يوسف

ولفتت: "اتقابلت مع رانيا يوسف من قريب واتصورنا مع بعض، والقلوب بتتصالح، أنا اعتبرتها ساعتها إنها غيرانة مني وبداخلها غيرة وبالغيط فيها أنا ملكة جمال مصر".

مشكلة محمد سعد

من جانب آخر: "كنت هتجنن بعد فيلم كتكوت، وتخنت 8 كيلو من كتر ما أنا باكل في نفسي، صورت 36 مشهد وأنا بطلة الفيلم ودخلت اتفرج على الفيلم لقيتهم شالوا المشاهد بتاعتي، والفنان محمد سعد هو اللي شالها لإنه بيحب يكون مستحوذ على الشاشة لأطول وقت ممكن، وأنا كنت أكبر مساحة بس هو قص ليَّ المشاهد بتاعتي، واللي اتعرض حوالي 12 مشهد".

تصريحات نادية الجندي

نادية الجندي، السينما في دمي وكل حاجة في حياتي، وأنا لو ما وقفتش قدام كاميرا أحس إني هموت وحياتي انتهت، من وأنا طفلة عمري 5 سنين وأنا بمثل في المدرسة والحكاية بقت جوايا، بهذه الكلمات بدأت الفنانة نادية الجندي حديثها مع الإعلامية سهير جودة مقدمة برنامج "الستات"، المذاع على فضائية "النهار".

نادية الجندي تحدثت عن أحلامها وأمنياتها في العام الجديد، والتي منها الزواج بابن الحلال، قائلة: "عايزاه يكون ابن حلال بس ومش طالبة أكتر من كده، ابن حلال يعني أحس بسند ورجل يقدر قيمتي وحنون وأحس جنبه بالأمان وده أهم إحساس في العالم".

وأضافت الفنانة نادية الجندي: "السينما في دمي وكل حاجة في حياتي، وأنا لو موقفتش قدام كاميرا أحس إني هموت وحياتي انتهت، من وأنا طفلة عمري 5 سنين وأنا بمثل في المدرسة والحكاية بقت جوايا".

شرط نادية الجندي للعودة للسينما 

الفنانة نادية الجندي، تابعت حديثها قائلة: "أنا ما أقدرش أعيش من غير الوقوف قدام كاميرا السينما، ولكن لازم أشارك في عمل أكون مقتنعة به وسعيدة بأدائه ودور مختلف ويحمل تحدي وأمر مميز".

ولفتت: "اللى بيتعرض عليَّ دلوقتِ من أعمال فنية حاجات مكررة وسطحية أوي ملهاش معنى، ولو جالي دور سينمائي كويس هوافق معنديش مانع لو جالي دور حلو وشخص حلو يحب يرتبط بيَّ".
 

سر رشاقة نادية الجندي

نادية الجندي، خرجت نجمة الجماهير الفنانة الكبيرة نادية الجندي من جديد على جمهورها ومتابعيها من مصر ومختلف الدول العربية بإطلالة أكثر جرأة وجاذبية لتودع عام 2022.

وعن سر رشاقتها، قالت نادية الجندي: "الحرمان من الأكل طول الوقت والرياضة لوحدها مش هتخليني جسمي حلو ولا عندي رشاقة، وطبعًا ربنا الأول هو اللى بيدي الإنسان الشكل الحلو والكاريزما اللي تخلي الناس تحبه وتتقلبه حتى لو كانت بسيطة، ربنا فوق أي اعتبار، وثانيا التصالح مع النفس ولا الغل مع الغير ولا الحقد على أحد، لأن الغل والحقد بيطلع تجاعيد على الوش بنلاقي الواحد شكله كئيب وكله غل لأنه كاره الناس وحقد علي الناس، إنما لما بنضحك بنكون متصالحين مع نفسنا وحب الخير للناس".

وأضافت: "الثقافة العامة دلوقتِ إن الناس كلها ستات ورجالة بيخلوا بالهم اوي من جسمهم وبقى فيه ثقافة الرياضة والرشاقة والتجميل، ودا ما لهوش علاقة بالعمر وشايفة إن الوعي زاد أوي عن زمان ودا حاجة جميلة".

وتابعت: "أنا فنانة والفنان لازم يبقى قدوة ونموذج للناس كلها ولما بحافظ على شكلي ومظهري بحس إن دا احترام لجمهوري والناس كلها".

سر حب الناس لنادية الجندي

نادية الجندي أكدت: "الناس لما بتشوفني بتقول لي احنا بنحبك علشان أنتِ بتحترمينا، والفنان ما ينفعش يطلع شكله وحش وتخين ومنظره كئيب، لازم يبقى قدوة وجزء من عملي لازم يكون شكلي صح ولياقتي البدنية صح".

طقوس نادية الجندي في ليلة رأس السنة

وعن احتفالاتها بليلة رأس السنة كشفت الفنانة نادية الجندي، قائلة: لديَّ طقوس خاصة في ليلة رأس السنة، بحب أقعد في البيت مع ابني ونقضي الليلة مع بعض، بقرأ فيها القرآن وأتقرب من ربنا بالدعاء أنها تكون كويسة علينا، وهي ليلة فيها روحانيات ودي تعطي راحة نفسية".

وأضافت: "أنا مش بحب الخروجات في ليلة رأس السنة ومش بحب الزحمة والأماكن المزدحمة، وعلمت هشام ابني يعمل زي ما أنا بعمل في ليلة رأس السنة، بدل ما يخرج مع أصحابه وبقى ملتزم بالطقوس الخاصة بيَّ".

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.