رئيس التحرير
عصام كامل
Advertisements
Advertisements
Advertisements
Advertisements

أنت وقعت ورجوعك مرفوض.. حازم إمام يوبخ أبو جبل لرغبته في العودة للزمالك | فيديو

حازم إمام وأبو جبل
حازم إمام وأبو جبل
Advertisements

كشف الكابتن حازم إمام، عضو مجلس إدارة اتحاد الكرة، عن موقفه من رغبة أبو جبل في العودة لنادي الزمالك.

 

مشكلة أبو جبل

وقال حازم امام خلال برنامج "ستاد مصر" الذي يقدمه الإعلامي سيف زاهر بقناة "أون تايم سبورت":"مينفعش أبو جبل يروح يوقع لنادي وهو على ذمة الزمالك، ويكون الزمالك بالنسبة له آخر خيار يلجأ ليه لما ميلاقيش نادي يرضي بيه".

 

موقف أبو جبل

وأضاف: "كنت أتمنى وأبو جبل جامد وفي عزه في بطولة الأمم الأفريقية بالكاميرون أن يختار الزمالك مش لما يقع وميلاقيش نادي يختارنا، وبالنسبة لي بقول له أنا بحبك وأنت حارس كبير، وموضوع رجوعك مرفوض من الجماهير، ولا أعلم موقف الإدارة من الموافقة على عودتك".

وتابع: "بقول لأبو جبل لازم تقول أنا غلطت، كان لازم تضحي بالعروض عشان الزمالك، أنا لما كنت بلعب جالي عروض كتير بس كنت بقول لا هكمل في الزمالك".

وأكمل: "أبو جبل عايز يرجع دلوقتي عشان مفيش نادي عاوزه ولا يوجد لديه عروض، واللي عايز الزمالك يختاره على طول في أوقات العروض المغرية ماليًّا مش وهو معندوش أي عرض، كان ممكن يكون مقبولًا من شهرين لكن دلوقتي العودة صعبة".

موقف جماهير الزمالك

ولفت: "أنا بشتغل لحد دلوقتي على حس وجودي في الزمالك كل ده له ثمن، اللي ميقدرش ده غلطان وأنا كزملكاوى كنت أحب أبو جبل يرجع وهو متألق وبتجيله عروض إنما دلوقتي صعب، ومفتكرش جمهور الزمالك هيتقبل عودة أبو جبل تانى، وللأسف أبو جبل دلوقتي صعب يصالح الجمهور".

Advertisements
Advertisements
الجريدة الرسمية