أحمد إبراهيم خليل يكتب: نفسنا (قصيدة)
أرسل المواطن أحمد إبراهيم خليل قصيدة بعنوان “نفسنا” يقول فيها:
نفسنا نحس إننا فيه حد بيسأل عننا
نفسنا نحس إننا فيه حد شايل همنا
نفسنا نحس بالأمان والحب بتاع زمان
نفسنا ننسى بس الأنا ونحب بعضنا
بندور ونلف ونمثل ومش سالكين
بنضحك والضحكة مش صافيه ومش عايشين
بندور على حاجه تفرحنا ومش لاقيبن
علشان كلنا همنا نفسنا ومفيش بعدنا
بنعيش على بعض وبنرسم وهم وخيال
بندوس على بعض وبنجرى آه منه المال
عايشين والعيشه معقوله مين عجبه الحال
علشان كلنا همنا نفسنا ومفيش بعدنا
زمان كل حاجه فيها بركه وفيها خير
الناس رغم البساطه عندها ضمير
الحاجه حقيقى قليله وتشوفها كتير
علشان مكنوش زينا عارفين ربنا همنا نفسنا ومفيش بعدنا
عشرة سنين عشناها مع بعضنا
متخيلناش هيجى يوم ويبعد عننا
مهما كانت هى دنيا
وإزاى هتعلى وهى دنيا
طب ليه كلنا همنا نفسنا ومفيش بعدنا
عشان إنتى دنيا بقولك بلاش
ملحقتش وهبدأ قالوا معاش
شغلتى بالى وغيرتى حالى
وإحنا كلنا همنا نفسنا ومفيش بعدنا
مكنش في داعى أوجع دماغى
وكل ما أبعد يادنيا تلاغى
بدايتى ضعيف ونهايتى ضعيف
على إيه كلنا همنا نفسنا ومفيش بعدنا
نفسنا نحس إننا بنخاف من ربنا
نفسنا نحس إننا هنموت حقيقى كلنا
نفسنا يجى يوم ونفوق قبل الأوان كلنا
هنعيش كلنا نخدم بعضنا نرضى ربنا
همنا كلنا ومفيش نفسنا وفيه بعدنا
