بعد «مصطفى أبوتورتة».. «خالد أبو فيونكة» يجتاح مواقع التواصل الاجتماعي
انتشر خلال الساعات الماضية اسم «خالد أبو فيونكة» بين رواد مواقع التواصل الاجتماعي، وحولت بعض الصفحات قصته إلى «كوميكس» تم تداولها على نطاق واسع.
وبدأت القصة من خلال منشور لـ«أ. أ» روت خلاله قصة ارتباطها بشاب لمدة عام ونص، وانفصاله المفاجئ عنها بحجة أنه لم يعد يحتمل العصبية التي تسيطر عليها خلال تعاملها معه، لتفاجئ بعد انفصالهما بأسبوع بإعلان خطوبته على أخرى، والحديث بين معارفهم بكلمات مسيئة لها، بحسب روايتها.
حكايه مصطفى أبو تورته | «فيتو» داخل منزل العريس بطل الهروب بـ التورته من حفل الخطوبة (فيديو وصور)
وقالت الفتاة عبر حسابها: «طب ياجماعة الاستاذ أبو إيد أقصر منه بيهددني و بيقول إني لو نزلت حاجة عنه هيخفيني من على وش الدنيا، مش مكفيه إنه كذب عليا سنة و نص و فهمني إني كل حياته و بعدها قالي معلش أنا إيدي أقصر مني أنا بحبك بس لازم نبعد ياحرام عشان انتي عصبية و وحشة بس أنا بحبك طبعا، و فهمني إنه تعبان و دخل المستشفى بسببي وإني جاية عليه ياحرام،و راح خطب بعد ما سبنا بعض بأسبوع لا دا كمان بيتكلم عليا مع الناس كلام ميتوصفش، دا حاكي حاجات في حياتي أنا والله نسياها و حاجات اول مرة اسمع عنهاومطلعني أنا اللي ظلماه و وحشة و كمان بيهدد، يابجاحتك يا أخي دا طبعا جزء من اللي هو عمله أنا مكتبتش كل حاجة فا أنا أهو بقولك إني بجيب سيرتك».
وتفاعلت قطاعات واسعة من الفتيات مع قصتها وشاركوا القصة عبر صفحاتهم، وقرروا إطلاق اسم «خالد أبو شنب فيونكة» على بطل القصة، بسبب تعاطفهم مع صاحبة الواقعة.
وأعادت الواقعة إلى الأذهان، قصة مشابهة لشاب أطلق رواد مواقع التواصل عليه «مصطفى أبو تورتة» عندما نشر حساب فتاة باسم "ن ش" تفاصيل القصة وجاء فيه: «أنا كان مقرى فتحتى زى ما كله عارف على مصطفى وخطوبتى كانت يوم السبت، اللى فات المفروض، كان بينا مشاكل زى أى اتنين عاديين، وقلت دا عادى بيحصل بس اللي متخيلتش إنه يحصل إنه يسيبنى فى القاعة لوحدى.. اتفاجئت إنه مش عازم صحابه ولا قرايبه كلهم، وحسيت فى حاجة غلط، حتى مامته وأخته مفيش واحدة فيهم جت باركتلى وقولت أمشى اليوم».
وأضافت: «كل ما أقوله فين الشبكه اللى هنلبسها يقوللى أصل اتكب عليها شربات أصل وقع جاتوه عليها.. طب خليها بعد البوفية وكلام كله غريب كدا لحد ما دخلنا بعد البوفية لقيت أهله كلهم مشيوا.. وقال إيه خالوا تعب! فيقوم أهله كلهم يمشوا وأنا فى القاعة لوحدى بدور عليه الاقيه بيصرخ برا ويقول خالى عيان وبيلطم وحاجات غريبة كدا وأنا أقسم بالله ما مستوعبة اللى بيحصل هو فى واحد خاله عيان عيلته كلها بتمشى الستات اختفوا بس كانو بيهزروا فوق نسوا العيان».
وتابعت: «والأنيل إننا اكتشفنا إنهم أخدوا التورت معاهم طب مش خالك عيان.. أخدتوا التورت معاكم ملبستنيش شبكة.. وقبل كل دا بأيام جالى البيت وأخد التوينز بتاعت قراية الفاتحة بحجة إنه عايز يلبسنى كله مرة واحدة فى القاعة وأنا هبلة وافقت مجاش فى بالى للحظة واحدة انه هيعمل فيا كدا».
واختتمت الفتاة قائلة: «دلوقتى حابه أقول كل دا عشان ايه؟ كان ممكن ننهى بالمعروف من غير أذى نفسى ليا.. كان ممكن تسترجل وتيجى تقولى يلا نفركش وكنت لغيت الخطوبة.. مش جى وبترقص وتقولى محضرلك مفاجأة.. وفى نيتك تعمل فيا كدا.. حسبى الله ونعم الوكيل».
وبعد ساعات من انتشار البوست على السوشيال ميديا، ظهر تعليق من حساب باسم «مصطفى» يرد على الفتاة باعتباره صاحب القصة، يخبرها أنه نادم على معرفتها وليس نادمًا على ما فعله، ويضيف «لو عايزة تتكلمى احكى للناس الحكاية من البداية.. أنا ندمان على وقتى معاكى، أنا حبيتك بجد بس انتى للأسف ما تستاهليش الحب دا وكان لازم دى تبقى نهايتك».
