X
اسعار العملات اسعار الذهب الطقس ارقام تهمك خدمات حكومية عبر الإنترنت حجز تذاكر الطيران حجز تذاكر سكك حديد مصر الصفحات الرسمية للوزارات والجهات الحكومية أحدث الوظائف الحكومية دفع فواتير التليفون فواتير الكهرباء حجز تذاكر دار الأوبرا و ساقية الصاوي شاهد العالم بالبعد الثالث حركة الطائرات في العالم لحظة بلحظة في السينما الآن مواقيت الصلاة وظائف خالية خدمات لذوي الإحتياجات الخاصة خدمات لشباب الخريجين حجز مجاني لجميع فنادق العالم خدمات الهيئة القومية للتأمين الإجتماعى
رئيس التحرير عصام كامل
الأحد 21 يوليو 2019 م
5 قرارات لمحافظ دمياط تسببت في تدشين حملة للمطالبة برحيلها تأثير المتطرفين في دائرة اللجوء الألمانية على اللاجئين اتحاد الصناعات: 70 مدبغة في مجرى العيون لم يتم التخصيص لها السعودية تحذر من التعامل مع شركات الحج غير المدرجة في المسار الإلكتروني (صوت) الصحة تكرم مسئولي حملة 100 مليون صحة لطلاب المدارس بالمحافظات بريطانيا الصغرى!! أبو السعد: مشروع قانون الصناعات الصغيرة يقلل البطالة بنسبة ٦٠% المستشار خالد محجوب يطالب بحبس وترحيل أي أجنبي يهين الدولة المصرية زيدان يكشف مصير جاريث بيل النهائي مع ريـال مدريد نبيل فهمي: أطراف دولية لا تريد حل الأزمة السورية "جهاز أكتوبر" يكشف سبب تأخر تسليم وحدات الإسكان الاجتماعي للحاجزين هل تدخل الحكومة لحل أزمات سوق المال الأخيرة؟ عبد المجيد: تكريم المتفوقين من أبناء الصحفيين قريبًا اليوم الذكرى الأولى لرحيله.. ملامح من حياة اللواء طلعت موسى «زيناهم».. قصة ربة منزل سكب زوجها عليها البنزين وأشعل النيران فيها تامر حسني في كواليس فيلمه الجديد "كل سنة وأنت طيب" حبس ربة منزل أدارت صفحة لترويج الأدوية مجهولة المصدر 4 أيام حبس قاتلة رضيعتها بـ"كيس مخدة" في قليوب تحرير 1979 قضية تموينية وظواهر سلبية بوسائل النقل



تفضيلات القراء

أهم موضوعات الساخرون + المزيد
أهم الاخبار + المزيد
أهم الفيديوهات + المزيد
مقالات الرأي + المزيد
فيتو على فيسبوك

كاريكاتير + المزيد



 

إسماعيل ياسين في وزارة القوى العاملة: ممكن توظفونى عندكم؟!.. بس بلاش تشغلونى دليفرى والنبى

الخميس 10/يناير/2019 - 01:25 م
حسن شاهين
 
آه يا شلاضيمى يانى ياماما.. إننى أريد أن أتوظف وظيفة ميرى.. آه والنبى ياخويا نفسى يبقالى معاش مضمون.. ومرتب مضمون.. وتأمين صحى زى البنى آدمين الموظفين اللى ماحدش يقدر يرفدهم بجرة قلم.. إننى أشعر بالإعياء.. نفسى أتعين بالمؤهل بتاعى كما كنت أحلم وأتمنى..

نفسى أكون موظفا يحولوه للتحقيق لو أخطأ وليس عاملا يقولون له روح بيتكم لمجرد أن شلاضيمه مش عاجبه صاحب الشغل.. نفسى أروح أمضى حضور وأروح وزميلى يمضيلى انصراف في نهاية اليوم.. آه والنبى دا أنا غلبان قوى ومتشحطط وكل شوية تلاقينى في شغلانة شكل..

يا داهية دقى ووسعيلى بُقى.. إلحقنى يا وزير القوى العاملة والنبى وشوفلى وظيفة.. بس متكونش زى الوظايف اللى عندك دى.. حاكم أنا عارف إن سيادتك مقضيها مؤتمرات توظيف في كل المحافظات من نوعية فرد أمن ودليفرى في مطعم وبياع في محل ملابس..

دا أنا اللى صدقت تصريحات سيادتك بأنك بتوظف الخريجين وكل أسبوع بتوفر ييجى 5 آلاف وظيفة في كل محافظة.. أتارينى ما كنتش أعرف إن تصريحات الوزراء تحتاج إلى مواطن له مواصفات خاصة.. آه والنبى ياخويا زمبقولك كدا.. إنها تحتاج إلى مواطن طويل وأهبل ولابس طرطور علشان يوافق يتوظف دليفرى بعد كل السنين دى في التعليم وهو فاكر نفسه هيشتغل زى أبوه وعمه وجوز أخته الكبيرة.. لا واللى يغيظك ويغيظنى ويغيظ أمة لا إله إلا الله إن الوزير بيقول على الشباب أنهم مش عايزين يشتغلوا وبيرفضوا الوظايف..

طب بالله عليك يا معالى الوزير هي دى وظايف؟!.. ما هي الشغلانات دى مرطرطة في السوق ومش محتاجة مؤتمرات توظيف ولا حتى محتاجة لوزير يقدمهالنا ولا تحتاج لشهادات ولا لمؤهلات عليا.. إنها فقط تحتاج لشاب عايز يشتغل وياكل عيش.. آه والنبى ياخويا الوظايف بتاعتك دى ممكن يجيبهالى عم أحمد البواب أو حتى السواق بتاع سيادتك ولا كنتش حضرتك تتعب نفسك وتعمل مؤتمرات توظيف ولا دياولو.. آه والله زمبقولك كدا..
عموما أنا مش هطول على معاليك.. يلا بقا.. السلامو عليكووووووووووووووووووووووو
إسماعيل ياسين في وزارة القوى العاملة: ممكن توظفونى عندكم؟!.. بس بلاش تشغلونى دليفرى والنبى

موضوعات متعلقة

أخبار تهمك

تابعنا على

تعليقات Facebook

سياسة التعليقات