شيبة يرد على سخرية «فيفي عبده»: لحست الأسفلت عشان أنجح
رد المطرب الشعبي أحمد شيبة، على الانتقادات التي تعرض لها الفترة الأخيرة، عقب ظهوره بإعلان مؤسسة مجدي يعقوب لأمراض القلب والذي افتتح الإعلان قائلًا: «الفلوس مش كل حاجة».
كانت الفنانة فيفي عبده، أكثر الذين سخروا من شيبة قائلة: «اللي غني آه لو لعبت يا زهر جاي يقول الفلوس مش كل حاجة بعد ما الزهر لعب معاه».
فيما رد شيبة أيضًا عبر صفحته الشخصية على موقع التواصل الاجتماعي فيس بوك قائلًا: «أحب أوجه كلمة للناس اللي سخرت من الإعلان اللي قولت فيه جملة الفلوس مش كل حاجة وبيقولولي إزاي وأنت بتغني آه لو لعبت يا زهر، أن فعلا الفلوس مش كل حاجة ونجاحي واللي وصلت له دا بتعب، وزي ما قولت لحست الأسفلت علشان أبقى أحمد شيبة».
وأضاف: «كله برضا ربنا عليا ووقفته جنبي ودعاء ورضا أمي وأبويا عليا وثقة الناس فيا وحبهم ليا ووقفتهم جنبي واللي وصلت له واللي بقيت فيه دا كرم من عند ربنا أنا فعلا تعبت واجتهدت كتير من وأنا عندي ١٣ سنة علشان أوصل لهدفي وأحقق حلمي اللي الحمد لله ربنا أكرمني فيه ووصلت له وكله من عند ربنا والحمد لله، وعقبال كل الناس لما الزهر يلعب معاها ويحققوا كل اللي بيتمنوه وإحنا اللي بنعمل الفلوس مش الفلوس اللي بتعملنا وزى ما قولت الفلوس مبتعملش رجال».
