بالفيديو.. «الحسيني» بعد القبض على «جاويش»: «لكم في نظام مبارك أسوة»
انتقد الإعلامي يوسف الحسيني، إلقاء القبض على رسام الكاريكاتير، إسلام جاويش، قائلًا: «إحنا جرالنا إيه، وإيه الذعر المبالغ فيه ده».
وأضاف «الحسيني»، خلال برنامجه «السادة المحترمون»، المذاع على قناة «أون تي في لايف»: «إزاي دولة تخاف من رسمة كاريكاتير، العدل يا بتوع العدل، طيب ما تتصالحوا مع إسلام زي ما تصالحتوا مع اللى سرقوا المليارات، ياريت تتعظوا من اللي حدث مع مبارك ولكم في نظامه أسوة».
وتابع: «اللى سرق ملايين متحبسش ساعة واحدة، لكن اللى رسم كاريكاتير أو استخدم نسخة ويندوز مضروبة خطر على الوطن»، مستطردًا: «ضيقوا أكتر واخنقوا العيال أكتر، إحنا في دولة الدانتيلا، وأوراق التوت تتساقط».
