أم كلثوم تغني «فرحة القنال»

في الذكرى الأولى لتأميم قناة السويس نشرت مجلة الإذاعة عام 1957، كلمات الأغنية التي كتبها الشاعر صلاح جاهين ولحنها محمد الموجى وغنتها السيدة أم كلثوم تحت عنوان "فرحة القنال".

وقال محرر المجلة إن أم كلثوم سجلت الأغنية للإذاعة في ثلاث ساعات، ومدة إذاعتها عشر دقائق، وكان جاهين قد كتبها باسم "عيد القنال"، لكن أم كلثوم غيرت الاسم إلى "فرحة القنال "، كما غيرت أم كلثوم "كوبليه" كان يقول (يا أهل مصر تعالو ع الضفة) إلى "يا ولاد بلدنا تعالوا ع الدفة "، وتقول كلمات الاغنية:

محلاك يا مصر وانت ع الدفة... والنصرة كاملة وفى القنال زفة
شاوروا لهم وغنوا لهم وقولوا لهم.. ريسنا قال مفيش محال.. راح الغريب وابن البلد كفى
حيوا الرجال السمر فوق السفينة... حيوا اللى جاهد عشان ما يفرح وادينا
بصت لنا الدنيا وشافت عملهم.. وغنت بكل لسان على كل مينا
أنا قلبى فاكر لسة مين اللى جرحه.. لولا يوم النصر ما تلم جرحه
شفت القنال في أيدين رجال من بلادى.. رفرف عليهم قلبى من كتر فرحه
حبايبنا شرق وغرب جايين بلدنا.. يشاهدوا نور ألق فوق كل مدنه
ونسيمنا بالأحضان يقابل راياتهم.. وقنالنا يحكى لهم حكاية جهادنا
شاوروا لهم غنوا لهم وقولوا لهم.. ريسنا قال مفيش محال
راح الدخيل وابن البلد كفّى