أنا مش بخير

ربى إنى قد مسنى ضر كبير
أنا مش بخير
أرضك الواسعة ضيقة
علمنى أطير
مش عايزة أفضل تانى تحت
ما تاخدنى فوق
خلينى قبل ما أموت أفوق
عايزة أما أقابلك تبقى روحى
خالصة من كل الذنوب
ادينى طرف الخيط
وهامسك فيه وأتوب
لبسنى توب
يليق على عظمة لُقاك
وإن كان في يوم قلبى عصاك
انت الغفور
يا صاحب اللطف الخفى
خلى ذنوبى في بحر كرمك تنطفى
قولها
كونى لها برد وسلام
قبل أما أنام
وتبقى دى النومة الأخيرة
بشر لى روحى المُرهقة بحسن الختام