قصيدة نادرة لـ«صلاح جاهين» في استقبال رمضان
فى رمضان عام 1958 شارك شاعر العامية صلاح جاهين، بطريقته الخاصة، الشعوب الإسلامية، في الاحتفال بشهر رمضان المبارك، ونظم قصيدة تصف شوارع مصر المحروسة وإحياءها فى ليالى رمضان.
ونشرت مجلة "صباح الخير" القصيدة، والتي قال فيها:
النور ملو الشوارع .... ومليون راديو والع
الساعة اثنين صباحا ...لكن إيه الموانع
الخلق رايحة جاية ...والدنيا لسة حية
مليانة بالهأو ...وزعيق القهوجية
واحد يقول لواحد ...خليك ياعم قاعد
الثانى يقوله شكرا ..دانا من المغرب مواعد
فيه سهرة لسة عندى ...فى بيت فلان أفندى
حاناكل كنافة بلدى ...ونشرب تمر هندى
واللى تروح دالقة جردل ...فوق حضرة المبجل
طبعا صاحبنا يزعل ..وينفجر شتايم
واللى يقول ياجماعة ...واللى يقول يابهايم
ولو طرطقت ودنك ...فى وسط دى العظايم
تسمع مسحراتى بطبلة ..صوتها واطى يقول اصحى يانايم
