بالفيديو.. «فيتو» تسأل المواطنين «لو العصمة في إيد مراتك هتعمل إيه».. «هدي»: «هيكون زي كيس الجوافة»..«هالة»: «مش هيبقي راجل».. «تامر
كلمات كانت من الغريب سماعها لدى المواطنين، ولكن مع تقدم التكنولوجيا وحصول المرأة على أغلب حقوقها أصبحت متداولة على مرأي ومسمع الجميع، ومنها حق المرأة في أن تكون العصمة بيدها أثناء عقد الزواج.
«فيتو» سألت المواطنين «لو العصمة في إيد مراتك هتعمل إيه» لمعرفة آرائهم حول تلك القضية.
«كيس جوافة»
قال أحمد محمود «أبسط حاجة هموت نفسي»، فيما قال مصطفى راغب «همسح كلمة ذكر من البطاقة، هنبقي رجال في الوقت ده إزاي»، وقالت هدي حسين «هيكون زي كيس الجوافة».
«مش هكون راجل»
وقال رضا خالد: «مش عارف في الساعة دي هعمل إيه، مش متخيل إجابة على السؤال ده»، فيما قال على ماهر: «أنا استحالة أقبل بحاجة زي دي من الأول، الراجل ميقبلش على نفسه بحاجة زي دي»، وأشارت هالة على «هحس أني مش متجوزة راجل».
«نحمل ونرضع»
وقال تامر رمضان: «يعني هيا هتحدد دخولي وخروجي من البيت، وتصرف عليا وتجيب حاجات ومستلزمات البيت، وإحنا نقعد نغسل الصحون ونحمل ونخلف ونرضع الآية تتقلب».
