بالفيديو.. «السيسي» للمصريين المغتربين: «مطالبون بالنزول للتصويت في الانتخابات»
دعا المشير عبد الفتاح السيسي، المرشح لانتخابات رئاسة الجمهورية، المصريين بالخارج، للتصويت في انتخابات الرئاسة، وذلك بالتزامن مع انطلاق عملية الاقتراع للمصريين المقيمين في الخارج في الساعات الأولى من صباح اليوم الخميس.
وقال «السيسي»، خلال الفيديو الذي بثته حملته الرسمية على موقع التواصل الاجتماعي «فيس بوك»، «لكل مصرى ولكل مصرية إنتو سيبتوا وطنكم عشان تجروا على لقمة العيش وعشان تعيشوا وتعيشوا أسركم وده أمر مقدر»، مضيفا، «أنتم رواد في التحرك مش هقول المغامرة، والخروج من مصر من أجل هدف نبيل وهو العمل، بتمنالكم كل التوفيق، مطلوب الناس تنزل وتدلي بصوتها».
وأضاف «السيسي»، «مش بقولكم كده عشان تصوتوا لحد بعينه، ولا يليق بحد مصرى إنه يوجه حد، لكل مصرى شايف إن عليه مسئولية يتحرك ويختار ما يشاء لكن هو بيختار عشان خاطر وطنه، بتمنى ليكم ولأسرتكم كل الخير والسلام، وأتمنى إن ربنا يعينكم على كل خير».
