أحمد الفيشاوي يكشف سر انسحابه من فيلم ولاد رزق 3 (فيديو)
أحمد الفيشاوي، كشف الفنان أحمد الفيشاوي، سر انسحابه من فيلم "ولاد رزق 3"، مؤكدًا أنه اعتذر عن المشاركة في الجزء الثالث من الفيلم بسبب انشغاله في تصوير فيلمه الجديد "السيستم".
حقيقة الخلاف مع عمرو يوسف
وأكد خلال لقائه ببرنامج "ع المسرح" المذاع على قناة "الحياة":"مش صحيح إني انسحبت من فيلم ولاد رزق 3، لما حسيت إن عمرو يوسف بيتنجم عليا ودي إشاعة وفي نفس الوقت انهم كان لازم يصوروا وانا كنت مشغول بفيلمي".
حقيقة ندم أحمد الفيشاوي علي ولاد رزق 3
وأضاف:"مفيش أي خسارة بالنسبة لي إن مشاركتش في فيلم ولاد رزق 3، ومش ندمان علي عدم مشاركتي بالعمل".
أحمد الفيشاوي من السلفية للصوفية
في نفس اللقاء، أكد أحمد الفيشاوي: "أنا كنت سلفي وبقيت صوفي وكنت إخوان وعمي كان تكفير وهجرة وحاجات تفرش 3 حلقات ونبني عليها مسلسل، عشت الحيرة والتناقضات والإنسان علطول عنده تناقضات وأنا لما استوعب إن رأيي غلط بارجع عادي".
طفولة أحمد الفيشاوي
ولفت: "مش بحب طفولتي وبندم عليها لإني قضيتها في حدائق القبة وأبويا وأمي مكنشو لسه عملوا فلوس كتير من السينما والتلفزيون وكنا عايشين في شقة أوضة وصالة، وكنت شقي جدا وعذبت ناس كتير معايا، ولما بقى عمري 5 سنين كانوا هما حوشوا فلوس وبقوا نجوم كبار".
طبيب نفسي لأحمد الفيشاوي
في نفس اللقاء، أكد أحمد الفيشاوي"أنا بروح لدكتور نفسي من 1997، ولحد دلوقتي بروح له، وبيعالجني علاج نفسي وده مفيهوش مشكلة".
قصة غريبة مع طبيب نفسي
ولفت أحمد الفيشاوي:"فيه دكتور نفسي روحت له يومين بعدها مات وكإنه مات مضغوط من الحكايات اللي قولتهاله".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
