أحمد الفيشاوي: بروح لدكتور نفسي من 97 ومقتنع بالتاتو رغم اتهامي بالكفر (فيديو)
أحمد الفيشاوي، قال الفنان أحمد الفيشاوي:"لما ابتديت أمثل في سنة 2000 أخدت رأي أبويا في لعب الشخصية فعلمني وقال لي أي حاجة تقولها لازم تلتزم بالصدق وانت بتمثل لإنك بتلعب دور مش بتاعك وممكن يكون ضد مبادئك وعقيدتك بس لازم تصدق انك الشخصية علشان الناس تتفاعل معاك وتحب افلامك".
علاج أحمد الفيشاوي نفسيا
وأكد خلال لقائه ببرنامج "ع المسرح" المذاع علي قناة "الحياة":"أنا بروح لدكتور نفسي من 1997، ولحد دلوقتي بروح له، وبيعالجني علاج نفسي وده مفيهوش مشكلة".
قصة غريبة مع طبيب نفسي
ولفت أحمد الفيشاوي:"فيه دكتور نفسي روحت له يومين بعدها مات وكإنه مات مضغوط من الحكايات اللي قولتهاله".
حزن أحمد الفيشاوي علي أهل غزة
وأشار:"لو انا دلوقتي عند دكتور نفسي وغمضت عيني عنده هاقول يارب احرق كل الناس اللي بيموتوا اطفال وعواجيز وستات في الشارع وفي بيوتهم ومأثر فيا اللي بيحصل في غزة".
تجاوز أحمد الفيشاوي أزماته النفسية
وتابع:"انا معنديش أزمات شخصية وكنت بشتكي من فرط العصبية والنرفزة والغضب والحمد لله عديت المرحلة دي ومعندناش مشاكل دلوقتي".
تاتو أحمد الفيشاوي
وأوضح أحمد الفيشاوي:"أنا مقتنع بالتاتو اللي بعمله وانا فرعوني والتاتوه ده من أيام الفراعنة، والفراعنة كانوا بيرسموا علي جسمهم ".
وتابع:"انا مصري فرعوني من الصعيد عندنا التاتو ده من أيام المصريين القدماء وعلشان كده أنا مقتنع به، ومرة واحد من الصعيد سألني مش اللي انت عامله ده كفر فقلت له ممكن اسأل سؤال هو جدتك كافرة؟ قال لي لأ طبعا، فقلت له مش جدتك عندها حاجات رسماها، قاللي ايوا، قلت له طيب جدك كافر؟ رد لا طبعا اعوذ بالله، فقلت له مش عامل عصافير في راسه؟ أجاب ايوا، فقلت له يبقى كفر ايه اللى بتتكلم عليه".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
