رامي إمام يوجه رسالة لـ ياسمين صبري، وماجد الكدواني يكشف سر تألقها

ياسمين صبري، قال المخرج رامي إمام: "ياسمين صبري منورة مع عمرو أديب ودايما متألقة، ومش ببالغ لكن استمتعت بالشغل معاها لسبب إنها فنانة ملتزمة جدا وبتشتغل على نفسها".

تطور ياسمين صبري

وأضاف خلال مداخلة هاتفية ببرنامج “الحكاية” الذي يقدمه الإعلامي عمرو أديب بقناة “إم بي سي مصر”: "شُفت ياسمين صبري في إعلانات نزلت في رمضان وقلت لها إنتي إشتغلتي على نفسك واتطورتي، وبتهتم بالتفاصيل آخر عامين علشان تطلع في أحسن صورة، هي مش مغرورة ولا بتتنك ولا حاسة بنفسها".

كواليس فيلم ياسمين صبري

ولفت: "عملنا فيلم أبو نسب مع ياسمين صبري، والكواليس كانت أكثر من رائعة، واكتشفتها في الفيلم ده على مستوى الهدوء والثقافة والكلام العاقل الموزون، ولما بتسأل أسئلتها بتكون فيها وزن وعقل، وبتحتاج الواحد يفكر قبل ما يرد عليها".

لفتة طيبة لياسمين صبري

وتابع: "أشكر ياسمين صبري على لفتة طيبة لما طلعت في برنامج وشكرت والدتي كتير"، لتعقب ياسمين: "ميرسي لك جدا وسلامي للعائلة كلها".

ثقافة ياسمين صبري

من جانبه، قال الفنان ماجد الكدواني: "ياسمين صبري إنسانة مثقفة ومتواضعة وملتزمة وأحلى حاجة بحبها فيها إنها عندها ناحية تأملية في الحياة وروحانية، وهي جميلة وعندها روحانيات عالية جدا، وبستمتع دايما بالحوار معاها، وعندها القدرة على تقديم أنواع كتير من الأدوار، وعندها سلام داخلي على تقبل كل الظروف والحالات".

في نفس اللقاء، قالت الفنانة ياسمين صبري: "محدش يعرف أنا عندي قد إيه في البنك علشان يقولوا لحقت تعمل كل ده إمتى، الطائرات الخاصة اللي بركبها دي عقود شغل، والطائرات مبتعملش إنسان، الإنسان هو اللي بيعملها ودي ممكن تتحط على التوك توك". 

شخصية ياسمين صبري

ولفتت: "أنا بنت مصرية مسلمة عربية، أمثل بنات كتير أوي مصريات وعرب ومسلمات، أنا أول عربية وصل لـ كيرتيه، الجمال مبقاش ميزة لإنه بيتعمل في أي مطبعة تجميل والجميلات كتير وفيه وفرة في الجمال، إنما القصة في الشخصية أنا شخصية قبل ما أكون جميلة، والتقل الإنسان يكون تقيل ولا ينكسر وشخصية".

طموح ياسمين صبري

وأضافت ياسمين صبري: "أنا بحب القراءة جدا مع إني مكنتش في المدرسة شاطرة، وطول عمري طموحة والطموح بيفرق في حياة الإنسان، أنا ليا 3 أشقاء بس أنا غيرهم ومختلفة عنهم، بس أنا معشتش دور الضحية ولا علقت الشماعات ولا الاستعطاف، من صغرى أنا طموحة في كل شيء، وطبعا محظوظة وأنا اللي أصنع الحظ بفضل ربنا، وأنا ليا شغل غير التمثيل وبتصور لماركات عالمية وبستثمر شخصيتي وجمالي علشان أكون سفيرة ماركات عالمية".
 

عمرو أديب يمازح ياسمين صبري 

وتابعت ياسمين صبري: "الحلاوة بتزود الحظ لو استخدمت صح لإن أحيانا الحلاوة بتضيع لو استخدمت غلط"، ليعقب عمرو أديب: "انتي في ليفل الوحش؟ لترد الفنانة ضاحكة: "مش عارفة إيه اللي أنت شايفه؟ ليؤكد الإعلامي: "في ليفل الوحش".

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.