سمية الخشاب: محمد رمضان هيضيع من غيري ومتوقعة أنه عامل حاجة حلوة برمضان (فيديو)
محمد رمضان، تحدث الفنانة سمية الخشاب عن الفنان محمد رمضان وكشفت عن رأيها في مسلسله الجديد “جعفر العمدة” المقرر عرضه في رمضان 2023 وذلك من خلال لقائها في التليفزيون اللبناني.
وقالت سمية من خلال اللقاء:" هشوف محمد رمضان عامل إيه السنة دي وأعتقد هيعمل حاجة حلوة جدا. مازحة:" ولكن من غير سمية هيضيع وكنت سعيدة جدا بالتعاون مع في موسى، والمسلسل كان ناجح جدا وعجب الناس وكنا دويدتو رائع وهو شخص طيب وممثل قوي.
وكانت قالت الفنانة سمية الخشاب: "أنا عقلانية رومانسية والعقل عندي بيشتغل في الوقت المناسب، وتدخل كتير علشان كده أنا لسه باقية على قيد الحياة".
صدمات سمية الخشاب العاطفية
وتابعت خلال مداخلة هاتفية سابقة ببرنامج "الستات" الذي تقدمه الإعلامية سهير جودة بقناة "النهار":"بعد النضج والخبرات بقيت أكثر عقلانية، ولكن قبل كده عشت صدمات كتير، أنا برج الميزان ونحانيح أوي في الحب ويموتوا في الرومانسية وبيحبوا يسعدوا الإنسان اللى بيحبوه وتتفانى علشان تسعده وتعمله استقرار في حياته علي حساب نفسها ولكن لما تيجي تحس أنه مش بيقدرها بتقلب عليه وتبقى وحشة أوي".
هدية سمية الخشاب في عيد الحب
وأكدت سمية الخشاب:"انا لا اعترف بحاجة اسمها عيد الحب ويبقى فيه يوم معين للحب، اللى بيحب حد بيحبه في أي وقت وبيهتم بيه ولو لقى حاجة حلوة بيشتريها له ويقوله أنا جيبتلك دي علشان عجبتني، وعلى سبيل أني ادلع نفسي ومش مستنية هدية من حد ممكن أجيب بيجامة أدفي بيها نفسي في الجو التلج ده أو دفاية أو بيرفيوم أو أي حاجة نقصاني هاكون هشتريها وأنا مبسوطة".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، كأس مصر، دوري القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
