رئيس التحرير
عصام كامل
Advertisements
Advertisements
Advertisements
Advertisements

أفشة: عملنا موسم كارثي ومش هنكرره.. والأهلي نادي بطولات مش فريق اللقطة والشو

أفشة لاعب النادي
أفشة لاعب النادي الأهلي
Advertisements

قال محمد مجدي أفشة، لاعب النادي الأهلي: "تجاوزت الإصابة والآن أنا بخير، وأتمنى أن نعيش موسم خير وتحقيق البطولات التي تسعد الجماهير".
 

موسم كارثي للأهلي

وأضاف خلال حديثه بقناة "الأهلي": "بعد الموسم الكارثة اللي عملناه بظروفه نحن جاهزون ومستعدون للمنافسة بقوة على كل بطولات الموسم الجديد".
 

تقصير أفشة

وتابع: "لا توجد أعذار طالما أنا في الملعب لازم أموت نفسي علشان المكسب، وطبيعي أننا لما بنخسر يبقى إحنا قصرنا ومش هننكر ده". 

ولفت: "الإصابة اللي كنت أعاني منها ممكن تكون أثرت على مستوايا الفني في الملعب ولكن ده مش عذر".
 

بطولات النادي الأهلي

وأضاف: "الموسم الجديد مش سهل وهيبدأ بمباراة صعبة أمام الاتحاد المنستيري بدوري أبطال أفريقيا، والأهم أننا نعمل بطولات مش أننا نعمل ماتش حلو، محدش هيتكلم أفشة أحرز كام هدف، النادي الأهلي نادي بطولات ولا نادي شو ولا ماتش واحد ولا لقطة، علشان كده إحنا مركزين أننا نحقق كل البطولات اللي بنشارك فيها".
 

وعد لاعبي الأهلي للجماهير

وتابع: "اللعيبة كلها معندهاش إلا خيار واحد في الموسم الجديد أننا نأخد البطولات، وده واصل لكل اللعيبة حتى الجدد عايزين يعملوا تاريخ ويحققوا بطولات".

وأكمل: "جمهور الأهلي معروف بحبه للنادي ودائمًا عايز يأخد البطولات وفي ضهر اللعيبة وزي ما بيدونا الحلو لازم نتقبلهم لما يجوا علينا شوية، وفي كل الحالات الجمهور معانا وعمره ما كان ضدنا، وأوعد الجماهير أننا نعمل كل اللي علينا ونفوز بالبطولات ونسعدهم".

Advertisements
Advertisements
الجريدة الرسمية