متصل يبكي على الهواء: مراتي بتضربني وبتهزقني وواخدة كل فلوسي | فيديو

بكى مواطن يدعى "أحمد" من محافظة القليوبية، علي الهواء؛ بسبب تعرضه للتنمر والضرب على يد زوجته الذي تزوجها منذ 20 عامًا.
 

بكاء مواطن بسبب العنف الزوجي

وقال باكيًا خلال مداخلة هاتفية ببرنامج "كلام الناس" المذاع على قناة "إم بي سي مصر": "أنا متجوز بقى لي 20 سنة ومراتي بتهزقني وبتشتمني وبتضربني وبتمد إيدها عليَّ رغم إني كنت في السعودية وبرسل لها كل اللي هي عايزاه، وعمري ما عملت حاجة غلط معاها".
 

تحكم الزوجة

وتابع: "مراتي بتفضل تضرب فيَّ بالبنيات ومش عارف أعمل معاها إيه، أنتحر يعني ولا أعمل إيه؟ أنا عندي 55 سنة ولما جيت من السعودية بشتغل أي حاجة، ونزلت مصر بعد جائحة كورونا، وخلصت كل فلوسي على مراتي وهي تصرف براحتها، ودلوقتِ بتمد إيديها عليَّ وأنا مش عارف أعمل معاها إيه".

أبناء المتصل وموقفهم من الأم

ولفت: "معايا ولد في الجيش وطالب في الثانوية العامة، وبنت عمرها سنتين، ومحدش من ولادي بيوقف زوجتي عند حدها، وأولادي كمان بيمدوا إيدهم عليَّ، وأنا مش عارف أعمل إيه في أمهم أنا راجل ضعيف ومليش لا أخ ولا حد يقف معايا".

حاول منعه من ضرب والدته..مقتل سائق على يد شقيقه بالقليوبية

عبير صبري عن اتهام الفنانين بنشر العنف: الناس هي المجرمة وإحنا مرايتهم

من جانبها علقت الإعلامية ياسمين عز: "اهدأ علشان صحتك، وما تبكيش علشان دموعك غالية، واوعى تفكر في الانتحار، وأنا بقول لك اعمل محضر في زوجتك".