مفاجأة.. الزمالك لا يرغب في عودة مروان حمدي رغم تألقه ويريد استغلاله بهذا الشكل
كشف الإعلامي الرياضي مهيب عبد الهادي، أن نادي الزمالك يحاول استغلال تألق لاعبه المعار مروان حمدي لضم عبد الكبير الوادي من سموحة.
صفقة تبادلية مع سموحة
وأضاف خلال برنامج "اللعيب" المذاع على قناة "mbc مصر": "الزمالك يرى أن إستايل مروان حمدي لا يناسب نادي الزمالك لذلك يرغب في إبرام صفقة تبادلية مع سموحة والحصول على عبد الكبير الوادي الذي وقع فعليًّا مع الفارس الأبيض".
مفاجأة نادي الزمالك
وتابع: "المفاجأة تكمن في عدم رغبة نادي الزمالك في عودة لاعبه المعار لسموحة مروان حمدي لقائمته الموسم المقبل بعد أدائه القوي".
ووجَّه أحمد حسام ميدو، نجم نادي الزمالك السابق، نصيحةً لمروان حمدي لاعب نادي سموحة، قائلًا: "أنا شايف علشان لاعب ينجح في الزمالك والأهلي مينفعش يبقى طيب أوي وأنت مشكلتك أنك طيب أوي".
نصيحة ميدو لمروان حمدي
وتابع "ميدو": "علشان تمشى معاك في الزمالك خلي عندك شخصية، مينفعش تيجي النادي وبتعمل شغلك وتمشي، ومش بقولك تبقى قليل الأدب، لكن لازم تبقى شخصية قوية بره وجوه الملعب، إنما اللى أنا شايفه أنك يا مروان طيب زيادة عن اللزوم، ولازم تبقى مخربش شوية بره الملعب".
رد مروان حمدي
ورد مروان حمدي خلال مداخلة هاتفية ببرنامج "الريمونتادا" المذاع على قناة "المحور" قائلًا: "أنا طيب بره الملعب مش جوه الملعب، هو الأحسن أبقى ملتزم أطلع أضحك على الناس وأجرى وأهرج وأهيص وأعمل الحوارات اللى لاعيبة كتير بتعملها".
شقاوة مروان حمدي
وأضاف: "أنا مخربش والله يا كابتن على الآخر وبيبان عليا الطيبة وأني كيوت بس أنا صايع والله، بس المطلوب مني جوه الملعب بعمله، وبره الملعب بكون مجنون شوية وساعات هادي".
تعقيب ميدو
وعقب ميدو ضاحكًا: "خليك مجنون يا مروان، وهتمشي معاك كده في نادي الزمالك".
