ميدو لمروان حمدي: شخصيتك الطيبة متنفعش في الزمالك.. واللاعب: بيبان عليا كيوت بس أنا صايع

وجَّه أحمد حسام ميدو، نجم نادي الزمالك السابق، نصيحةً لمروان حمدي لاعب نادي سموحة، قائلًا: "أنا شايف علشان لاعب ينجح في الزمالك والأهلي مينفعش يبقى طيب أوي وأنت مشكلتك أنك طيب أوي".
 

نصيحة ميدو لمروان حمدي

وتابع "ميدو": "علشان تمشى معاك في الزمالك خلي عندك شخصية، مينفعش تيجي النادي وبتعمل شغلك وتمشي، ومش بقولك تبقى قليل الأدب، لكن لازم تبقى شخصية قوية بره وجوه الملعب، إنما اللى أنا شايفه أنك يا مروان طيب زيادة عن اللزوم، ولازم تبقى مخربش شوية بره الملعب". 
 

رد مروان حمدي

ورد مروان حمدي خلال مداخلة هاتفية ببرنامج "الريمونتادا" المذاع على قناة "المحور" قائلًا: "أنا طيب بره الملعب مش جوه الملعب، هو الأحسن أبقى ملتزم أطلع أضحك على الناس وأجرى وأهرج وأهيص وأعمل الحوارات اللى لاعيبة كتير بتعملها".

شقاوة مروان حمدي

وأضاف: "أنا مخربش والله يا كابتن على الآخر وبيبان عليا الطيبة وأني كيوت بس أنا صايع والله، بس المطلوب مني جوه الملعب بعمله، وبره الملعب بكون مجنون شوية وساعات هادي".

تعقيب ميدو

وعقب ميدو ضاحكًا: "خليك مجنون يا مروان وهتمشي معاك كده في نادي الزمالك". 

وأحرز مروان حمدي مهاجم سموحة هدفين في مرمى النادي الأهلي، في المباراة التي جمعت الفريقين على إستاد الإسكندرية مساء أمس ضمن الجولة 23 للدوري المصري الممتاز.

ورفع مروان حمدي رصيده إلى 12 هدفًا في الدوري المصري الممتاز هذا الموسم ليتعادل مع أحمد سيد زيزو نجم الزمالك في صدارة جدول ترتيب الهدافين.

سجل مروان حمدي لاعب نادي سموحة الهدف الثالث في شباك الأهلي في الدقيقة 46 من لقاء اللقاء الذي أقيم على إستاد الإسكندرية بالجولة الثالثة والعشرين من منافسات بطولة الدوري الممتاز للموسم الحالي 2021-2022.

وسجل مروان حمدي مهاجم سموحة الهدف الأول في شباك الأهلي في الدقيقة 9 من اللقاء قبل أن يضيف عبد الكبير الوادي الهدف الثاني لسموحة في الدقيقة 45.

ترتيب هدافي الدوري الممتاز

أحمد سيد زيزو الزمالك 12 هدفا
مروان حمدي سموحة 12 هدفا
جوب مابولولو الاتحاد السكندري 10 أهداف
جون أوكويي إيبوكا إنبي 9 أهداف
خالد قمر الجونة 8 أهداف
أحمد رفعت فيوتشر 8 أهداف
ناصر منسي البنك الأهلي 7 أهداف
محمد شريف الأهلي 7 أهداف
مصطفى شلبي إنبي 7 أهداف
محمد هلال البنك الأهلي 7 أهداف
أحمد عاطف فيوتشر 6 أهداف
أيمن الصفاقسي فيوتشر 6 أهداف
إبراهيم عادل بيراميدز 6 أهداف
محمد مجدي افشة الأهلي 6 أهداف
عمر السعيد الزمالك 6 أهداف
مامادو نياس المقاولون العرب 6 أهداف