مرتضى منصور يعلن رحيل بن شرقي.. ويوجه رسالة للزملكاوية: متجبوش مناخيرنا الأرض علشان لاعب
وجَّه المستشار مرتضى منصور رئيس نادي الزمالك، رسالةً لجماهير القلعة البيضاء، قائلًا: "حرام عليكم حافظوا على كرامة ناديكم.. أنت عايز ناديك يبقى ذليل ويبوس إيد لاعب علشان يوقع، أنا مش هعمل كده".
انتهاء عقد بن شرقي
وتابع خلال فيديو له عبر قناة "يوتيوب": "بن شرقي كان المفترض يوقع قبل ما نيجي لأن عقده خلص يوم 31 ديسمبر زي فرجاني ساسي، وإحنا استلمنا 10 مارس الماضي، ومحدش يكلمني عن لجنة فاشلة موقعتش معاه أيامها، إحنا قعدنا معاه إمبارح، وقال مش عايز أقعد في مصر نبوس دماغه يعني".
رسالة لجماهير الزمالك
وأضاف: "بن شرقي لاعب محترم ومحترف وصريح وصادق وجابها على بلاطة، وقال عايز أروح قطر أو تركيا، هنعمل حفلة ونكرمه ونجيب بديل ولا نبوس الدماغ.. مش أنا اللي أبوس دماغ لاعب، يا بعض جماهير الزمالك متهنوش ناديكم ده نادي الكرامة والوطنية والكبرياء".
رغبة بن شرقي
وتابع: "بن شرقي رسمي وهو قاعد مع أمير مرتضى قال يا جماعة أنا بعشق الزمالك بس عايز أسافر أروح قطر أو تركيا".
ولفت: "بن شرقي لاعب مغربي محترف وأسعدنا نقوله متشكرين ولا نبوس الأيادي علشان يقعد أنا مببوسش إيد حد، فوقوا يا جماهير الزمالك النادي مش هيتحايل على حد، ياما لاعيبة جت وراحت والزمالك هو الزمالك تاريخ، اوعوا تنزلوا وتجيبوا مناخيرنا الأرض علشان لاعب، قعدنا جلسة أخيرة معاه وقلنا له عايزين نجدد معاك والناس عايزاك وهو رغبته يمشي ولا لف ولا دار ولا عايز أعمل صلاة استخارة ولا قدرني هو لاعب محترم محترف وحسم أمره، يا جماهير الزمالك متلووش دراع نادي الزمالك وتبهدلوا كرامته في الأرض"
وكشف أنس وكيل اللاعب الدولي المغربي أشرف بن شرقي صانع ألعاب الفريق الأول لكرة القدم بنادي الزمالك، حقيقة تجديد عقد اللاعب مع الزمالك.. وينتهي عقد أشرف بن شرقي مع الزمالك بنهاية الموسم الجاري.
ورد أنس على الأنباء التي ترددت عن وجود تطورات جديدة في مفاوضات الزمالك مع اللاعب واقترابه من التجديد وقال لـ فيتو: "هذا الكلام غير صحيح، ولم يحدث جديد في مفاوضات الزمالك مع اللاعب".
ورفض وكيل اللاعب التعليق أكثر من ذلك على مفاوضات الزمالك مع اللاعب للاستمرار مع النادي.
وكان الكابتن إسماعيل يوسف، نجم نادي الزمالك السابق، كشف مصير اللاعب المغربي أشرف بن شرقي مع القلعة البيضاء.
رغبة بن شرقي
وأوضح خلال لقائه ببرنامج "جمهور التالتة" الذي يقدمه الإعلامي إبراهيم فايق بقناة "أون تايم سبورت 2": "موضوع أشرف بن شرقي مش فلوس بس.. اللاعب عايز يغير المكان ويخوض تجربة جديدة في ناد آخر".
علاقة بن شرقي بالزمالك
وأكد: "لو استمر بن شرقي في مصر فسيبقى في نادي الزمالك بنسبة 100%"، مشيرًا: "إدارة نادي الزمالك وأمير مرتضى لم يقصروا في تجديد عقد بن شرقي مع نادي الزمالك".
حقيقة هروب طارق حامد
وأكد: "طارق حامد لم يهرب من الزمالك واحتمالية وجوده مع الزمالك قائمة، ومشكلته تفاقم إصابته بسبب عدم التشخيص الجيد".
