الوزن الزائد سبب تصدر غادة رجب "التريند".. اعرف الحكاية
تصدرت الفنانة غادة رجب مؤشر البحث جوجل ومواقع التواصل الاجتماعي خلال الساعات الماضية وذلك بعد تصريحاتها عن سبب زيادة وزنها خلال هذه الفترة في برنامج "كلام الناس" الذي تقدمه الإعلامية ياسمين عز الذي يعرض علي شاشة "mbc مصر".
وقالت "غادة" من خلال اللقاء:" الأمومة مسئولية كبيرة جدا بس ما قبل الزواج والأمومة كان بيتقال عليا تخنت وقتها لكن أنا فعلا حاليا تخنت طبعا بسبب الحمل والولادة".
كما كشف الفنانة غادة رجب عن سبب ابتعادها عن الساحة الفنية خلال الفترة الماضية قائلة:" غيابى كان بسبب الولادة والأمومة ولكن الشغل الحلو هو اللى بيفرض عليكى التواجد، لكن أنا عندى أغانى كتير والفترة الجاية هتنزل، وفى حفلات غنائية كمان، بس حاليا مجهودى وصحتى بنتى أولى بيه لأنها لسه صغيرة وعندها سنة ونص".
وعلقت غادة رجب عن الانتقادات التي طالتها علي السوشيال ميديا وذلك بعد ظهورها في مهرجان المركز الكاثوليكي قائلة:" الناس اتنمرت عليا بعد ظهوري بوزن زائد في مهرجان المركز الكاثوليكي والوزن الزائد مش بيشغلني.
أغنية غادة رجب
وطرحت الفنانة غادة رجب مؤخرا أغنيتها الجديدة التي جاءت بعنوان "في حياتنا" علي موقع الفيديوهات الشهير "يوتيوب".
والأغنية من كلمات الشاعر عبدالله حسن وموسيقي شريف حمدان وهندسة صوتية محمد جودة.
وتقول كلمات الأغنية:" في حياتنا في ناس حوالينا عايشين ليهم تأثير
شايفينهم هنا بعنينا.. عملوا علشانا كتير
وفي ناس في غيابها حضور.. اسمها مكتوب بالنور
محفورة بذكري مابينا.. شايفينها في كل مكان
اصحابي وعيشت معاهم.. احساس بدفا وامان
لو غابوا قلوبهم سابوا كلام
بيرن يحن يخلي القلب يروق
لو راحوا في قلبي جراحه تطيب
نطمن ان مكانهم احسن فوق
لو غابوا قلوبهم سابوا كلام
بيرن يحن يخلي القلب يروق
لو راحوا في قلبي جراحه تطيب
نطمن ان مكانهم احسن فوق
عايشين ع الذكري.. لكن يابكره
مسيرنا في يوم نتقابل
مع بعضنا تاني.. وحشتوا كياني
وسيبتوا فراغ مش قابل
يتملي غير بيكوا
اه ياناس في غيابها حضور
اسمها مكتوب من نور
محفورة بذكري مابينا.. شايفينها في كل مكان
اصحابي وعيشت معاهم.. احساس بدفا وامان
