سعد الصغير لـ مذيع قناة الحدث: بلاش أنا علشان ورايا جيش |فيديو

فتح الفنان سعد الصغير، النار على مذيع قناة الحدث أحمد عبد العزيز، بعد الهجوم عليه هو ونجله الأيام الماضية.

ووجه سعد رسالة للمذيع أحمد عبد العزيز، حيث قال أنا مش عاوز أطلع معاك، أنت مين، وأنا بيني وبينك القانون، مش أنا اللي تهدده، عيب عليك لما تعيب عليه وتقول إني برقص.

وتابع: "أنا عاوز أعرف من الاستاذ طارق سعده، أحمد عبد العزيز إعلامي ولا مش إعلامي، كل يوم تقطع في حسن شاكوش وعمر كمال، عيب عليك أنا ورايا جيش، وأنا بناشد القناة وكل المسؤولين.

وبشأن هجومه على المذيع أحمد عبد العزيز، على نجله محمود، وجه له رسالة شديدة اللهجة، بلاش إبني عشان أنا لو أختي هتأكلني، لو بطلت المهن، ممكن تقول للناس ليه مشيت من المحور".

وأختتم سعد: “بتتحايل عليه عشان أطلع معاك فى البرنامج، وقولت ليك مش فاضي مليون مرة، عشان أنا عندي 3 أفراح يوم الجمعة، بلاش الأسلوب ده”.

وكان محمود نجل الفنان سعد الصغير، خرج عن صمته للرد على الهجوم الذي شنه أحد المذيعيين على والده، بسبب رفضه الظهور معه في برنامجه.

فى هذا السياق، قال محمود فى تصريحات خاصة لـ “فيتو”، إنه سيقاضي هذا الإعلامي، بسبب ما يفعله في أحد القنوات الفضائية، مطالبًا بالتحقيق معه، لإهانته الفنانين، والنجوم بدون سبب.

وتابع نجل الفنان الشعبي: “مش من الطبيعي إن مذيع يطلع كل يوم والتاني يشتم في فنان بدون سبب ويفبرك موضوعات من أجل الشو، لازم يحترم الجمهور، لكن الحقيقة، اللى بيحصل غلط كبير ولازم التحقيق فيه عشان عيب، عادي إن والدي يرفض يطلع في برنامجه لأنه مش مقتنع بيه، لكن يطلع يقول عليه كلام محصلش مش طبيعي”. 

وأكد محمود، أن نفس المذيع هاجم الفنان الشاب عمر كمال لرفضه الظهور معه، وتحدث عنه بطريقة خارجة أمام الجمهور على قناة الحدث، وكل الناس شافت الصور اللي عمالي يعرضها وكلها مفبركة وإحنا عارفين".