رئيس التحرير
عصام كامل
Advertisements
Advertisements
Advertisements
Advertisements

عمرو أديب: "لما أموت اقفوا جنبي وما تسبوش الحيوانات تنهش في لحمي"

عمرو أديب
عمرو أديب
Advertisements

قال الإعلامي عمرو أديب: "وائل الابراشي مش هيتعوض، اللي بيمشي منا في شغلانتنا ما بيجيش غيره وفي أدائهم قليلين جدًّا، ومن فترة مسمعناش إن حد ممكن يقعد مكان حد، والإبراشي مذيع عظيم ومش ممكن يتكرر".

 

الشماتة في وفاة الابراشي

وتابع خلال برنامج “الحكاية” المذاع على قناة “إم بي سي مصر”: "وائل الابراشي ما كانش بيقول رأيه إلا لما يبين كل الآراء وبيقدم قلب الحاجة من جوا، واللي بيشتغل شغلانة التوك شو أصله صحفي مش أصله مذيع، والإبراشي كان دوره في طرح  قضايا هامة، وتأملت جدًّا إن ليلة وفاته الهاشتاج اللي أكبر منه الشماتة في وفاته والراجل مات ولما مات واللي عملوا كدا حيوانات مش بني آدمين وعندي ليهم سؤال هو إشمعنا لما الناس بتوعكم بيموتوا مش بنعمل كده وأنا مش فاكر لما مات محمد مرسي أو عصام العريان ما طلعتش شمت في موتهم وأنا ما أقدرش أكون حيوان زيهم، والقتلة وبرابرة الباء الكلاب قبل ما يدفن الابراشي شمتوا فيه، ما قدرش يواجهه وهو حي وبارزوه وهو ميت".

 

رسالة عمرو أديب للجمهور

وتابع: "لما أموت ابقوا اقفوا جنبي وما تسبوش الحيوانات ينهشوا في لحمي، وشعرت أن الناس مش هتقف جنبي لما أموت وبلاها شغلانة، فين النخوة والشعور بالبشر، ولجان الشماتة مش إخوان بس معاهم تيار ديني بيظهروا لما الإخوان بيظهروا وفيه طرف تالت قاعد في البيت ومستني الحاجات بتاعت زمان ترجع تاني".
 

شماتة الإخوان

وأكمل: "هل سمعتو إن فيه مذيع مات في بريطانيا أو فرنسا أو موزمبيق مات والناس قالوا أحسن ويشمتوا فيه، ليه بقى لما حد مننا يموت تشمتوا فيه؟ ومن مات منا فهو كافر ومن مات منكم من الشهداء وفي العليين، هو انتوا مطلعين على ربنا والغيب، جايز ربنا رحمه رحمة واسعة أكتر من المرشد بتاعكم".

تصفية الحسابات

واستطرد: "اكتشفت تصفية الحسابات وأحد الشيوخ أتباعه هاجموا الإبراشي، وليا رجاء يوم لما أموت ما تخلوش الناس دي يقعوا فينا كده". 
 

خطأ طبي

وأكدت زوجة الإبراشي أن الخطأ في العلاج المنزلي تسبب في أن تضخم الرئة لتصل إلى نسبة ٩٥%.
الأمر الذي دفع نقابة الأطباء للرد على أرملة الراحل وائل الإبراشي، حيث أكد الدكتور أبو بكر القاضي أمين صندوق نقابة الأطباء، أن أطباء مصر بذلوا مجهودًا كبيرًا في علاج مصابي كورونا، والنقابة ترفض كافة الاتهامات الموجهة لهم من قبل أرملة الإعلامي وائل الإبراشي بأن وراء وفاته خطأ طبي. 

Advertisements
Advertisements
الجريدة الرسمية