رئيس التحرير
عصام كامل
Advertisements
Advertisements
Advertisements
Advertisements

لديها نفس مشكلة إيلون ماسك.. شيرين رضا تكشف تفاصيل مرض نور عمرو دياب | فيديو

نور عمرو دياب
نور عمرو دياب
Advertisements

كشفت الفنانة شيرين رضا، تفاصيل مرض ابنتها نور عمرو دياب، مؤكدة أنها تعاني نفس مرض الملياردير الأمريكي أغنى أغنياء العالم "إيلون ماسك".
 

مرض التوحد

وأضافت خلال لقائها ببرنامج "كلمة أخيرة" الذي تقدمه الإعلامية لميس الحديدي بقناة "أون إي": نور عمرو دياب تعاني من مستوى منخفض من مرضى التوحد.
 

عدم القدرة على فهم الناس

وتابعت: "نور عمرو دياب مبتفهمش البني آدمين، ولو خرجنا وقعدنا على ترابيزة ممكن نضحك ونهزر ولكن هي متفهمش الحاجات دي لأنها هي جاد جدًّا".
 

وهاجمت الفنانة شيرين رضا، خلال نفس اللقاء، المتنمرين على ابنتها نور عمرو دياب.

 

هجوم شيرين رضا على المتنمرين على ابنتها نور

وأضافت: "عايزة أقول للناس اللي بيقولوا لها شكلك وحش وعاملة كده ليه؟ هما شكلهم عامل إزاي، أنا أصلا أكبر متنمرة في الدنيا واللي هيتنمر على بنتي أنا ممكن أغسله وأشطفه وأزرعه في الأرض وهاكلهم لأني أم، فرجوني جمالكم وحلاوتكم وجسمكم ودرستو فين واتعلمتو إيه وبتشتغلو إيه".

 

رسالة شيرين رضا للمتنمرين على ابنتها نور

 وتابعت شيرين رضا: "قبل ما تتنمر على حد شوف إنك لازم تبقى أحسن منه، والسوشيال ميديا بقت مؤذية".

 

رأي شيرين رضا في مشاهد القبلات والأحضان

وعلقت في نفس اللقاء: "القبلات والأحضان لو متوظفة صح في مشاهد السينما هتبقى مظبوطة، وأنا لست ضد المشاهد الساخنة طالما متوظفة صح".
 

رسالة شيرين رضا لرافضي مشاهد الإغراء والقبلات

وعن الفنانين الذين يرفضون القبلات والمشاهد الساخنة في الأفلام، علقت شيرين رضا: "طب ليه بيشتغلوا في الفن ممكن يشتغلوا في الراديو، والراديو مش لازم يمسكوا حد، ومصطلح السينما النظيفة دي شتيمة لأنه بيشتمنا كلنا يعني اللي ما يعملش غير كده يبقى قاصده إننا مبتذلين أو سمعتنا وحشة، السينما تبين الواقع وحياتنا كبني آدمين، ومش بنعمل حياة البقرة، والست لما بتشوف ابنها اللي بقالها 20 سنة ما شفتهوش ينفع تسلم عليه بس ده خطأ". 
 

وكانت أجرت الإعلامية ريم ميلاد حوارا مع النجمة شيرين رضا ببرنامج "Et بالعربي" بعد إعلان ابنتها نور عمرو دياب خطبتها، وعلقت شيرين رضا على الخطوبة وقالت: "باركت لنور على الخطوبة بس ما باركتلهاش على السوشيال ميديا ودي بنتي بنتكلم أنا وهي في اليوم ٥٠ ألف مرة وبحب أن كلامي معاها يبقى برايفت بيننا".

 

ووجهت شيرين رضا رسالة لنور عبر البرنامج السعودي et بالعربي ونصحتها أن تكون سعيد وقالت: "أحب أقول لها تنبسط ومتسمعش كلام الناس السخيفة اللي بتحط تعليقات سخيفة من ناس ما تعرفناش ومعرفش إحنا مين ولا بنتكلم إزاي فتركز في حياتها ومتركزش مع الناس ويارب حياتها تبقى سعيدة".

Advertisements
Advertisements
الجريدة الرسمية